Ako he Fuakava Motu’á – Tohi ‘a Senesí #5


Fa’u ‘e Linda Tu’ulakitau


hoko atu …

‘I he vahe 16 ‘o Senesí ‘oku ‘asi ai ‘a e fo’i obstacle ‘e taha. Na’e a’u ki he taimi ko ‘ení na’e te’eki ai pē ke fanau ‘a Sela ia. Pea fakakaukau leva ‘a Sela ke ne to’o mai ‘a e taha ‘o honau anga fakafonuá (custom) he taimi ko ‘ení ‘aki ‘ene ‘omai ‘ene kaunangá (Heka’aa) ke hoko ia ko ha substitute wife ‘o ‘Epalahame koe’uhí ke ne fanau’i ki ai ha tama ke ‘i ai ha hako ‘o ‘Epalahame pea lava ‘o hoko atu ‘a e laine ‘o hono familí. Pea iku ‘o fanau’i ‘e Heka’aa kia ‘Epalahame ‘a e tama tangata ko Isimeeli. Pea ‘i he custom ‘o e taimi ko ‘ení na’e tonu leva ke hoko ‘a Isimeeli ko e ‘ea ia ‘o ‘Epalahamé.

Pea ‘oku tau tui na’e ‘osi fakakaukau ‘a ‘Epalahame ko Isimeeli ko ia hono ‘eá. Ka ‘i he a’u koee ki he vahe 17 ‘o Senesí ‘oku ‘asi ai ‘a e to e fakamanatu ai pē ‘e he ‘Otuá kia ‘Epalahame ‘ene palōmesí te ne hoko ko e tupu’anga ‘o ha fuifui pule’anga, pea he’ikai kei ui hono hingoá ko ‘Epalame ka ‘e liliu ia ko ‘Epalahame (ko e tupu’anga ‘o ha tokolahi). ‘Ikai ngata aí, ka na’e to e ‘ohovale foki ‘a ‘Epalahame he talaange ‘e he ‘Otuá ki ai ko hono uaifí ‘a Sela te ne fanau’i kiate ia ha foha (ko e foha ia ‘o e kovinānité), pea he’ikai kei ui ia ko Selai ka ko Sela (ko fefine-pilinisi). Na’e to e fakapapau’i foki ‘a e folofola ko ‘eni ‘a e ‘Otuá kia ‘Epalahamé ‘aki ‘a e ‘a’ahi ange kia ‘Epalahame ha tangata ‘e toko tolu he vahe 18 ‘o Senesí.

Na’e kei hokohoko atu ai pē hono hanga ‘e he tokotaha ‘oku ne fakamatala’i ‘a e talanoá (narrator)’o ‘ai ‘a e kau readers kenau fifili (suspense) koehā ē me’a ‘e hoko he fo’i event hokó. Na’e fakamatala ‘a e narrator ki he ongo fo’i events ‘e ua kimu’a pea toki fā’ele’i ‘a ‘Aisaké.

Ko e fo’i event ‘uluakí – ko e talanoa ko ia hono faka’auha ‘e he ‘Otuá ‘a Sotoma mo Komolá. ‘I he anga e tu’u ‘a e fakakaukau ‘a e readers mahalo pē ‘e to e foki mai ‘a Lote mo hono familí ‘o nofo fakataha mo ‘Epalahame. Ka na’e to’o ‘a e fo’i obstacle ko ‘ení he ‘alu ‘a Lote ia mo hono ongo ‘ofefiné ‘o nofo he mo’ungá kae ‘ikai ke nau to e foki mai kia ‘Epalahamé.

Ko e fo’i event hono uá – ‘oku ‘asi ia ‘ia Senesi 20́ ‘a e tu’utu’uni ‘e ‘Apimeleki ko e tu’i Kelá ke ‘omai ‘a Sela ki hono palasí. Ko e fo’i event tatau pē ‘eni na’e hoko kia Sela he vahe 12 ‘o Senesí. ‘Oku mahu’inga ‘a e fo’i event ko ‘ení he na’e palōmesi ‘a e ‘Otuá kia ‘Epalahame ‘e fanau’i ‘e Sela ‘a e foha kiate ia within he fo’i ta’u ‘e taha. Pea kapau leva ‘e nofo ‘a Sela ia mo ‘Apimeleki pea ‘e fehu’ia leva ‘a e tamai ‘a e foha ‘o Selá pe na’e tamai kia ‘Epalahame pe ko ‘Apimeleki. Kae hangee pe ko e me’a na’e hoko ‘ia Senesi 12́, na’e intervene ‘a e ‘Otuá ‘o fakahaofi ‘a Sela ‘o ‘ikai ala ki ai ‘a Apimeleki ko e tu’i Kelá. Na’e fakafou mai ‘i ha misi ‘a e lea ‘a e ‘Otuá kia Apimeleki ke ‘oua na’a ala kia Sela he’e mate ai, ka ne fakafoki ‘a Sela kia ‘Epalahame he ko e uaifi ia ‘o ‘Epalahame.

‘Ia Senesi 21, kuo fakahoko ai ‘e he ‘Otuá ‘a ‘ene palōmesi kia Epalahamé ‘o fa’ele’i ai ‘e Sela ha foha kia ‘Epalahame neongo kuo ne motu’a. Pea fakahingoa ‘e ‘Epalahame ‘a hona fohá ko ‘Aisake. Kuo mānava lelei leva ‘a e readers kuo faka’osi lelei e me’a kotoa pea kuo fakakakato pē ‘e he ‘Otuá ‘a ‘ene palōmesí. Na’e a’u ki he to e faka’ataa pē ‘e he ‘Otuá ia ‘o fakafou ‘ia Sela ke mavahe ‘a Heka’aa pea mo Isime’eli ‘o na nofo ‘i he toafá. Pea na’e tāpuaki’i pē ‘e he ‘Otuá ia ‘a Isimeeli he ko e foha pē ia ‘o ‘Epalahame.

Ka ‘i he’etau a’u ki he event ‘o e hoko mai ‘a ‘Aisaké pea tau pehee kuo lelei e me’a kotoa pea kuo ‘osi fakakakato ‘e he ‘Otuá ‘ene palōmesi kia Epalahame mo Selá, ‘oku faka’ohovale ‘a e hoko mai ‘a e fo’i palopalema lahi taha ia pea ko e fo’i obstacle lahi taha ia ‘o e talanoa ‘o ‘Epalahamé. ‘A e folofola ‘a e ‘Otuá kia ‘Epalahame ‘o pehee: “’E, ke ke ‘ave ho fohá, ‘a ho’o me’a pe tahá, ho ‘ofa’angá ‘a ‘Aisake, pea ‘alu mo koe ki he fonua ko Molaiá; pea fai ‘aki ia ha feilaulau tutu ‘i ha funga mo’unga te u toki fakahā atu” (Senesi 22:2). Ko ‘eni ‘a e tumutumu (climax) ‘o e talanoá kuo ‘ave ki ai ‘a e readers ‘e he narrator. Ko ‘eni ‘a e foha ko e ‘ea ia ‘o ‘Epalahamé, ‘a ia‘e makatu’unga mei ai ‘a e fakahoko ‘e he ‘Otuá ‘a ‘ene ngaahi palōmesi fakakovinānite kia ‘Epalahamé. Ka ko eni ia ‘i he a’u mai ki he vahe 22 ‘o Senesí, kuo tu’utu’uni ‘a e ‘Otuá ia kia ‘Epalahame ke ‘ave hono foha ko ‘Aisaké ‘o fai ‘aki ia ha feilaulau tutu ki he ‘Otuá.

‘I he ngaahi tumutumu mā’olunga taha (highest peaks) ‘o e mo’uí mo e ngaahi loloto taha ‘o e tele’á (deepest valleys), ko ‘eni ia ‘a e tumutumu mā’olunga taha mo e loloto taha ‘o e tele’á.

Na’e ‘ikai ko e momeniti langilangi’ia taha he mo’ui ‘a ‘Epalahamé ‘a e ngaahi taimi na’e hā ai ‘a e ‘Otuá kiate iá. Pea na’e ‘ikai ke hoko ia he taimi na’e fānau’i mai ai hono foha ko ‘Aisaké – ‘a e foha ‘o e maná pea mo e foha na’e fakakakato ai ‘e he ‘Otuá ‘ene ngaahi palōmesi kia ‘Epalahamé. ‘Ikai! Ka ko e momeniti langilangi’ia taha ‘i he mo’ui ‘a ‘Epalahamé na’e hoko ia ‘i ha funga mo’unga, ‘a ia ‘oku tui ‘a e ni’ihi, ko e funga mo’unga tatau pē ia hili ē ta’u’e  ua afe kimuí na’e kalusefai ai ‘a e ‘Alo ‘o e ‘Otuá koe’uhí ko e angahala ‘a mamaní.

Na’e hanga ‘e he ‘Otuá ‘o fekau’i ‘a ‘Epalahame ke ne fai pē ‘a e me’a tatau ‘a ee ‘e fai ‘e he ‘Otua Mafimafi ‘o e ‘univeesí hili ha ta’u ‘e ua afe kimui. Na’e fekau’i ‘e he ‘Otuá ‘a ‘Epalahame ke ne feilaulau’i hono fohá na’e taha pē (hono foha mo Selá) ‘i he funga mo’ungá; ‘a hono foha koee na’e tu’u ai ‘ene ‘amanakí, mo ‘ene ngaahi misí (dreams) ko ia te ne fakakakato ‘a e ngaahi palōmesi ‘a e ‘Otuá kiate iá. Ko e me’a na’e hoko he ki’i funga mo’unga maomaonganoa mo lala he fonua na’e ui ko Molaia (Moriah) te ne faka’ata mai ‘a e feilaulau lahi taha ‘o e ngaahi feilaulau kotoa pē!

Toki hoko atu . . .



















































Be the first to comment on "Ako he Fuakava Motu’á – Tohi ‘a Senesí #5"

Leave a comment

Your email address will not be published.


*