Kaveingaʹ – Koe hā ‘e ‘oatu ‘e ha tangata ke fakatau’aki mai ‘a hono laumālieʹ? What shall a man give in exchange for his soul?

Fa’u ‘e Linda Tu’ulakitau

Folofola – Ma’ake 8:36, 37 – He koe hā hono ‘aonga ki ha tangata ke ma’u ‘a māmani kātoa ‘i he’ene ngāué, kae mole ai ‘ene mo’uí? He ko e hā ‘e ‘atu ‘e he tangatá ke fakatau ‘aki mai ‘ene mo’uí?

Fakafe’iloaki fiefia kiate koe ‘i he mōmeniti ko ‘eniʹ pea mo e Folofola Mo’oni ‘a e ‘Otuaʹ. Ko e mo’oni ē mo’oni kuo tohi ‘ia Loma 7:22 – ‘Oku fakafiefia’i ‘e he Lao ‘a e ‘Otuaʹ hoku tangata ‘i lotoʹ.

‘Oku tau kei hokohoko atu ‘i he ngaahi fehu’i mei he Folofola ‘a e ‘Otuaʹ ‘a ē kuo fakamānava’i ‘e he Laumālie Mā’oni’oniʹ ke Ne ‘omi ako ai ma’ataua ‘oku ta fononga ‘i he vaā’ihala ‘o e kuonga faka’osiʹ.

Fakatokanga’i ange ko e fehu’i ‘o e ‘aho ko ‘eniʹ ‘oku tu’u lōua (double). Pea ko e tōtōkaki hangatonu pē ia mei he fofonga ‘o e Tu’i ‘o e ngaahi tu’iʹ mo e ‘Eiki ‘o e ngaahi ‘eikiʹ, ko Sisu Kalaisi.

Koe hā ē ‘uhinga na’a Ne fai ai ‘a e fehu’i ko ‘eniʹ? Ko ‘ene ako ‘eni ki he kau akoʹ pea mo ha fu’u kakai tokolahi, pea ko ‘ene fehu’iʹ na’e makatu’unga ‘i he’ene lea he veesi 34ʹ mo e veesi 35ʹ. (Kātaki ‘o lau ‘a e veesi 34 & 35ʹ).

‘E kaungā fononga, ‘oku tokanga mai ‘a e Laumālie Mā’oni’oniʹ kiate kitaua He’ene Folofolaʹ, ko e ‘aho ni, today, ‘oku ta mo’ui ‘i ha māmani kuo fakanaunau’i ‘aki ‘a e mo’ui ‘a e kakaiʹ ‘aki ‘a e kitaʹ (SELF). ‘Oku tau mo’ui ‘i ha to’utangata ‘oku mo’ui ai ‘a e tangataʹ ma’ana pē, ‘ofa pē tangataʹ kiate ia pē, ‘o ‘ikai ha ‘ofa ki he ‘Otuaʹ, ‘o hangē ‘oku lea ki ai ‘a e Folofolaʹ ‘ia 2 Timote 3:2-4 – ‘oku mo’ui ‘a e tangataʹ mo e fefineʹ, ‘a e fānauʹ, to’utupuʹ mo e ngaahi Siasiʹ, ‘o senitā pē ‘i hotau KITAʹ (Self) mo ‘etau ngaahi fiema’uʹ, ‘etau manakoʹ, ‘etau ngaahi palaniʹ, mo ‘etau fiefiaʹ. Ko ‘etau mo’uiʹ ‘oku tumu’aki pē hotau kaha’uʹ mo hoto ki’i fāmiliʹ, hoto ‘apiʹ, ‘ete fānauʹ, ‘ete ngāueʹ, ‘ete pisinisiʹ, mo ‘ete fiemālie.ʹ

Ko ia ai, ‘i he’etau mo’ui ‘i ha māmani kuo fakanaunau’i ‘a e me’a kotoa pē ‘aki ‘a hotau kitaʹ (self), ‘e anga fēfē ha’atau hanga ‘o fakamaha hotau kitaʹ kae lava ke tau fakatokanga’i ‘a e finangalo ‘o e ‘Otuaʹ ke tau faiʹ? Lolotonga ko iaʹ ‘oku tau fononga ‘i hotau loto fefekaʹ mo fakakiakekeva ki he ‘Otuaʹ mo Hono finangaloʹ… ‘o tau muimui ki he ngaahi holi kehekehe hotau kitaʹ, ‘i he holi hotau kakanoʹ, ‘i he holi hotau mataʹ, ‘a e ‘afungi mo e laukau ‘o ‘etau mo’uiʹ. Pea ko e ‘uhinga ia ‘o e fehu’ia kitaua ‘e he Laumālie Mā’oni’oniʹ ‘i He’ene Folofolaʹ he ‘aho niʹ. Kapau ‘oku ta mo’ui ki he māmani ko ‘eniʹ ‘o ta tuli taupaua ‘ene ngaahi holiʹ mo e o’iʹ – tā ko e kakai mole kitaua, ko e kakai mate, ‘alu mate holo pē, lea mate, ngāue mate, he kuo mate ‘a e tangata mo’oniʹ, ‘a hota tangata ‘i lotoʹ ‘a ia ko e ‘Imisi ia ‘o e ‘Otuaʹ kuo Ne tuku ‘iate koe mo au ke fai mai ki ai ‘Ene fetu’utakiʹ. Kuo fōngia ia ‘e he kakanoʹ mo māmani. Ko ia kuo ‘ikai ai ke ta hokosi ‘a e me’a na’e ngaohi kitaua ki aiʹ. Ke hā? ‘Efeso 4:24 – Ke ta hoko ki he ‘Otuaʹ ‘i he angatonu mo e mā’oni’oni ‘a Mo’oniʹ.

Pea tā ne’ine’i ke fehu’i mai ‘a Sisu ‘i Hono Laumālie Mā’oni’oniʹ kiate koe mo au ‘i He’ene Folofolaʹ he ‘aho ni – koe hā hono ‘aonga …hono lelei, hano tupu (profit) hano fakakoloa ki ha tangata (anyone) ke ne ma’u ‘a māmani kātoa (to gain the whole world) kae mole ai hono laumālieʹ? (and lose his own soul?). Koe hā hono ‘aonga ke ta ma’u ‘a e koloaʹ, pa’angaʹ, langilangiʹ mo e ongoongoa,ʹ lavame’aʹ, ngaahi mata’itohi mā’olunga fakaakoʹ, tu’unga mā’olunga he fonuaʹ mo e pule’angaʹ, pea fika ‘uluaki ia kia kitaua ‘ia Sisu, kae mole ai ‘eta mo’uiʹ…mole ai hota laumālieʹ. He ko e mole ‘a hota laumālieʹ, ko ia ‘a hota tangata mo’oniʹ (spiritual man, inner man), ko ‘eta mole ia mei he a’usia ‘a e mo’ui ta’engataʹ.

Toe hoko atu ‘a e fehu’i ‘a e Laumālie Mā’oni’oniʹ ‘i He’ene Folofolaʹ kia kitaua. Hangē ko ‘eniʹ, kapau kuo mole hota laumālieʹ he’eta mo’ui fakahōhōloto ki he māmaniʹ, mo e filio’i ‘o hota kakanoʹ – koe hā ha me’a te ta ‘oatu ki māmani mo e kakanoʹ mo hono fu’u puleʹ ko Sētane ke to e fakatau fakafoki mai koe mo au, he kuo ne ma’u nimā kitaua ‘o ne pule’i, ‘o ne lau ko ‘ene me’a ‘a koe mo au. ‘Io, ko e tokotaha mole koe mo au. Koe hā ha me’a te ta ‘oatu ke fakatau fakafoki mai ‘aki hota laumālie kuo moleʹ?

1. ‘Ikai lava’i ‘e māmani, he ‘oku mole atu, “passeth away”. Talamai ‘e 1 Sione 2:17- Pea ‘oku faka’a’au ke mole ‘a māmani mo ‘ene holi ‘a’anaʹ: ka ko ia ‘oku ne fai ‘a e finangalo ‘o e ‘Otuaʹ, ‘oku ne nofoma’u ‘o ta’engataʹ. Ko ‘eta ma’u ‘a e ‘Otuaʹ ki he’eta mo’uiʹ pea ta feohi faka’aho mo Iaʹ, ‘oku ta nofoma’u ‘i he ‘Otuaʹ pea ‘oku nofoma’u ‘a e ‘Otuaʹ ‘iate kitaua, pea ‘oku ta fai ‘a e ngaahi ngāue ‘a e ‘Otuaʹ, pea ‘oku ta hiki mei he mateʹ ki he mo’uiʹ. Pea ‘oku ‘a e ‘Otuaʹ ‘a kitaua. Halelūiā!

2. He’ikai lava ‘e he koloaʹ (wealth) ke ne totongi fakafoki mai hota laumālieʹ, for it profiteth not, ‘ikai ha’ane ‘aonga ‘e taha. Talamai ‘ia Palōvēpi 11:4 – ‘Oku ‘ikai ‘aonga ‘a e koloaʹ ‘i he ‘aho ‘o e houhauʹ – ka ko e faitotonuʹ ‘oku ne fakahaofi kita mei he mateʹ (Riches profit not in the day of wrath, but righteousness delivereth from death).

3. ‘Ikai lava ‘e ho’o lavame’aʹ, mo ho langilangiʹ – not your honour, for it perisheth – ko e me’a ‘auha. Talamai ‘e Saame 49:12 – ka na’a mo e tangata langilangi’ia ʹ ‘oku ‘ikai kakato hano fo’i pō, ka ‘oku na tatau mo e fanga manu ‘oku mate longo. Nevertheless, man being in honour abideth not: he is like the beasts that perish.

4. ‘E kaungā fononga, ko Sisu Kalaisi pē taha te Ne fakahaofi ho laumālie.ʹ Ko Ia Tokotaha pē ‘oku Ne malava, pea te Ne malava ke Ne fakahaofi mo fakamo’ui hotau laumālie.ʹ Talamai ‘e Saame 116:8 – He kuo ke hamusi hoku laumālieʹ mei he mateʹ, hoku mataʹ mei he lo’imata’iaʹ, pea mo hoku va’eʹ mei he humuʹ.

Si’i kaungā fononga, tā ‘oku ‘ikai ha me’a ia ‘e taha te ta lava ‘o foaki ke totongi pe fakatau fakafoki mai ‘aki hota laumālieʹ. Kuo ‘osi fai ‘ata’atā pē ia ‘e he ‘Otuaʹ, ‘o fakafou ‘i Hono ‘Aloʹ ko Sisu Kalaisi – ke Ne hifo mai ‘i ho tatau,ʹ mo hoku tatauʹ – ko e kakano angahala’ia, ke Ne huhu’i ‘etau hiaʹ he kolosiʹ. Pea kuo lava, pea kuo ‘osi ‘a hota huhu’i ta’engata kuo fai ma’au mo au ‘e Kalaisi ‘i he kolosiʹ. Kuo kakato pea haohaoa hota fakatau fakafoki ‘e Kalaisi Ma’anaʹ. Mo’oni ‘a 1 Pita 1:18 – He na’e ‘ikai fai’aki hotau huhu’iʹ ha me’a ‘auha, ha siliva pē koula mei he anga ta’e’aonga ne tukufakaholo mai mei he mātu’aʹ, ka na’e fai’aki ha Ta’ata’a ma’ongo’onga, he ko e Toto ‘o ha Lami ta’e hano mele, pea ta’e hano ‘ila ‘a ia ko e Ta’ata’a ‘o Kalaisiʹ.

‘Émeni! Tā ko e fakatau fakafoki ‘e Kalaisi hota laumālieʹ pē ko ‘eta mo’uiʹ mei he’eta mole he angahalaʹ, na’e fakatau’aki ‘a e fo’i mo’ui ‘a e ‘Otuaʹ – ko e lilingi ‘Ene mo’uiʹ ke ‘osi, Hono Ta’ata’aʹ – he ko e totoʹ ko e mo’ui’anga ia ‘a e me’a mo’ui kotoa pē. Talamai ‘e ‘Aisea 53:12 – Na’a Ne lilingi Hono Laumālieʹ ke ‘osi, ‘one pekia, ‘one tuku ke lau Ia fakataha mo e kau angahalaʹ, ‘osi, kuo Ne fua ‘a e hia ‘a e tokolahi, pea kuo Ne hūfekina ‘a e kau angahalaʹ.

Kaungā fononga, koe hā ha me’a ‘i he māmani ‘o e kakanoʹ ‘oku ne kei puketu’u koe ‘o ke fakatoutoupῑkoi ai ke ke lele kia Sisu ka ke mo’uiʹ? Talaange ‘e Pita kia Sisu – Sisu, te mau to e ‘aluʹ kia hai? KO KOE…KO KOE…KO KOE pē Sisu ‘oku ‘i ai ‘a e LELEI ‘O E MO’UIʹ. Ko ‘eta ma’u ‘a e leleiʹ, koe’uhí pē ko ‘eta ma’u ‘a e Mo’uiʹ ‘i he’eta foki leva kia Sisu. Kuo Ne ‘osi fakatau fakafoki koe mo au ‘aki ‘Ene foaki ‘Ene mo’uiʹ ke mole ‘i he kolosiʹ koe’uhí pē ko koe mo au ke ta ma’u ‘a e mo’uiʹ pea ke ta ma’u ‘o lahi ‘aupito!

‘A KOE ‘oku ke lau ‘a e ki’i vahevahe ko ‘eniʹ, ka ‘oku te’eki ke ke tali ‘a Sisu ki ho’o mo’uiʹ, ‘oku ou fakaafe’i koe, ke ke tali ā pea ke fakaafe’i ‘a Sisu ke hū atu ki ho lotoʹ, ke Ne hoko ā ko ho ‘Eiki mo ho Fakamo’ui ‘o a’u ki he ngata’anga ‘o ho’o mo’uiʹ.

Pea ke kamata leva ke ke lau ‘a e Folofolaʹ he ‘aho kotoa pē ke ne fakatupulekina ho’o TUIʹ. He ‘oku ha’u ‘a e TUIʹ (Faith) mei he fanongo ki he Folofola ‘a e ‘Otuaʹ. Fai ha’o lotu lilo ‘o ke feohi ma’u pē ‘i he liloʹ mo e ‘Eikiʹ ‘i he ‘aho kotoa pē. Te ke lava leva ke ke ‘ilo ‘oku ‘i ai ‘a e fu’u faikehekehe lahi (a BIG difference) ‘i ho’o mo’ui motu’aʹ pea mo ho’o mo’ui fo’ou kuo ‘i loto ‘a Sisu ‘i Hono Laumālie Mā’oni’oniʹ ‘iate koeʹ. ‘E ‘alu pē ho’omo feohi faka’ahoʹ ke kamata ke taututuku atu ‘a e ngaahi ‘ulungaanga motu’a na’a ke anga maheni mo ia, ‘a e ngaahi me’a kehekehe ‘o e mo’ui ni, ‘o e manako māmaniʹ (worldly desires) mei ho’o mo’uiʹ. He ‘oku talamai ‘e he Folofolaʹ – Ke ‘oua temou ‘ofa ki māmani ‘uma’ā ‘a e ngaahi me’a ‘oku ‘i māmaniʹ, he ka ‘ofa ha taha ki māmani ‘oku ‘ikai ‘iate ia ‘a e ‘ofa ki he Tamaiʹ (God). He ko e ngaahi me’a kātoa ‘oku ‘i māmaniʹ, ‘a e holi ‘o e kakanoʹ, ‘a e holi ‘o e mataʹ, ‘a e ‘afungi ‘o e mo’uiʹ, ‘oku ‘ikai mei he ‘Otuaʹ ia, ka ‘oku mei māmani (1 Sione 2:15, 16).

Ko kitaua ‘a e kalisitianeʹ, kuo ta ‘i he kuonga fakamuiʹ, kuo taimi ‘a e fakapapau’i ‘a ‘eta tu’uʹ – pe ko e fē me’a ‘oku ta tu’u aiʹ – ko Sisu? Pe ko māmani? He’ikai ke lava ke ta to e ‘ave’aveua fakataha pē ‘a Sisu mo māmani. Kuopau ke fai ‘etaua ‘a e filiʹ he ‘aho ni. Kuopau ke ta fili ‘a e māmani ‘o e Laumālieʹ ka ta tukuange ‘osi mei he’eta mo’ui ʹ ‘a e māmani ‘o e kakanoʹ, hono holiʹ mo ‘ene filio’i.ʹ He ko e taimi te ta ‘ave’aveua ai ‘a e māmani ‘o e kakanoʹ mo e māmani ‘o e laumālieʹ, te ta ‘ofa ki he taha kae lῑ’aki ‘a e taha. Kapau te ta kei fili pē ke ta ‘ave’aveua ‘a e māmani ‘o e kakanoʹ mo e māmani ‘o e laumālieʹ, pea te ta lotu pē mo fe’auaki, lotu pē mo kaiha’a, lotu pē mo tono, lotu pē mo loi mo kākā, lotu pē mo ngutu lau, lotu pē mo fakavahavaha’a. Talamai ‘e he Folofolaʹ ‘ia Sione 4:23-24 – ‘Oku ‘unu’unu mai ha taimi, ‘io KUO HOKO NI [NOW] ‘a ia ko e kakai ‘oku lotu mo’oniʹ – te nau fai ‘i LAUMĀLIE pea fai ‘i MO’ONI ‘enau hū ki he Tamaiʹ, he ko e Tamaiʹ ‘oku Ne kumi (seek) ‘akinautolu ko ia ‘oku nau mātu’aki lotu kiate Iaʹ. He ko e ‘Otuaʹ ko e LAUMĀLIE pea ko kinautolu ‘oku hū kiate Iaʹ, KUOPAU [it’s a must; it is an order] kenau fai ‘i LAUMĀLIE pea fai ‘i MO’ONI ‘enau hūʹ.

Si’i kainga Tonga, ko e taimi pē ‘eni ‘o e LOTU MO’ONIʹ. Kuo taimi ke hiki ā ‘a e tūkunga ‘o ‘eta fai ‘a e lotuʹ mei he’eta kei nofo he ououau ‘o e ngaahi tapa kitu’a ‘o e lotuʹ mo ‘eta kei nofo pē he lēvolo fakakakano ‘o e lotú, ‘a e lotu fai angaʹ, ‘a e fua kavenga pē mo konā, malanga pē mo ta’efakatāpui ‘eta mo’uiʹ, ta ō pē ‘o worship mo kaikaila fakafeta’i ki he ‘Eikí he worshiṕ ka ko e ngutu tatau pē ia ‘oku ta hū mai kitu’a mei falelotu ‘o talanoa ta’e’ofa mo tukuhifo’i hota kaungā fononga ‘i he ‘Eikí. Tuku mu’a ke hoko ‘a e toenga ‘o e ta’u 2018ʹ ko ha ta’u ia kuo ta feinga ‘i he tokoni mai ‘a e ‘Eikí ke hiki ‘eta lotuʹ mei he lotu fakakakanoʹ ‘o mavahe ia ki he lēvolo ‘o e Laumālieʹ, he ‘oku kumi hākili ‘e he Tamaiʹ ke ne ma’u ‘a e fa’ahinga kakai lotu peheeʹ. Ko e kakai lotu mo’oniʹ ia he ‘oku fai ‘i Laumālie pea fai ‘i Mo’oni ‘enau lotuʹ.

Kau Kalisitiane, tau ‘ā‘eva ā ‘i he Laumālieʹ he kuo kovi ‘a e ngaahi ‘ahoʹ ‘o hangē ko e tala ‘a e Tohitapuʹ – pea he’ikai ai ke tau momo’i fakaai ‘a e holitu’u hotau kakanoʹ ki he ngaahi me’a ‘oku ‘o e māmaniʹ. He ‘oku holitu’u ‘a kakano ‘o fakafepaki ki he Laumālieʹ pea pehē mo Laumālie kia kakano. He ‘oku feta’ofi’aki ‘a e ongo me’a ko iaʹ koe’uhí ka ai ha me’a ‘oku tau loto ke faiʹ pea ‘oua na’a tau fai ia (Kaletia 5:16 & 17). Loto ē Laumālieʹ ke ta fai ‘a e me’a ‘oku leleiʹ, kae ta’ofi ia ‘e he kakanoʹ – ‘oku ‘omi ‘e he kakanó ‘a e fa’ahinga fakakaukau ko ‘ení: ‘oua, tuku ē ō ia ki he lotuʹ mo e fakahela, ‘alu kitaua ‘o ‘eva ki he papuʹ ‘o ‘ai ha ki’i fiefia ai he week-endʹ etc).

‘Io, ko kinautolu ‘oku ‘o KALAISI SISUʹ – KUO NAU TUTUKI KI HE KOLOSIʹ, ‘A E KAKANOʹ MO HONO NGAAHI HOLÍ MO E O’Í – Si’i kaungā fononga ‘i he ‘Eikiʹ – “kapau ko e Laumālie ‘o e ‘Otuaʹ ‘oku tau mo’ui aiʹ, tau LAKA foki ‘i he LAUMĀLIEʹ”.

‘Ofa atu ki he Tonga kotoa pē…

Be the first to comment on "Kaveingaʹ – Koe hā ‘e ‘oatu ‘e ha tangata ke fakatau’aki mai ‘a hono laumālieʹ? What shall a man give in exchange for his soul?"

Leave a comment

This site uses Akismet to reduce spam. Learn how your comment data is processed.