Kaveinga: Taimi ketau Tu’u hake ‘o Ulo!

Fa’u ‘e Faifekau Mosiana Fisi’ipeau

  Aisea 60:1 – Tu’u hake, ulo; he kuo hoko mai ho’o maama′, pea kuo hopo kiate koe ‘a e Kolōlia ‘o Sihova′.

‘Oku ou fie fai ha ki’i vahevahe mei he Folofola ‘a e ‘Otua′. ‘Oku ou tui, ka tāpuni hotau ngutu′ ketau vahevahe ‘a e Folofola ‘a e ‘Otua′, then we have a close destiny. He’ikai te tau mo’ui. Me’a kotoa pē ‘oku mo’ui, ‘oku ngaue (move) koe’uhί pē he na’e lea ‘a e ‘Otua′, His Words – His mouth speaks – pea hoko mai ‘a e me’a kotoa pē.

Kapau te tau fanongo ki he Le’o ‘ofa ‘o e ‘Otua′ ‘i He’ene Folofola′ he ‘aho ni, fakafou He’ene Palōfita′ – “Tu’u hake pea ke ulo – ko e fekau kiate koe ke ke tu’u hake ki ‘olunga ‘o mavahe mei he feitu’u ko ena, mo e tu’unga ko ena, mo e me’a ko ena ‘oku ke lolotonga ‘i ai′, mavahe mei he lēvolo ko ena ‘oku ke ‘i ai′ ki ha to e lēvolo ‘e taha. Ko e fekau ia mei he ‘Otua′ kiate koe mo au he ‘aho ni. Ko e finangalo ‘o e ‘Otua′ ke ‘oua te ta kei nofo ai pē he lēvolo ko ena ‘oku ke ‘i ai pea u ‘i ai he taimi ni′. He ‘i he tu’unga koee ‘oku ta ‘i ai he taimi ni′, ‘oku ‘i ai ‘a e me’a ‘oku ta struggle ai, ‘oku ‘i ai ‘a e ngaahi me’a ‘oku ta palopalema’ia ai, hota ngaahi vaivai’anga, ‘a ‘eta ngaahi ulungia he ‘aho ki he ‘aho. Ka ‘oku lea mai ‘a e ‘Otua′ kiate kitaua he ‘aho ni – Tu’u hake, Ulo he kuo hoko mai ho’o maama′ – Arise! Lift yourself up! Hiki mei he lēvolo ko ena′ ki he lēvolo ‘oku mā’olunga ange pea makehe atu ‘i he ‘Eiki ko Sisu Kalaisi′, pea he’ikai ke ta to e tatau ai pē. Ko ‘eta hiki ki he lēvolo fo’ou pe ko e lēvolo ma’olunga ange ‘o e pani′ (anointing) ‘a e ‘Otua′ ‘i he’eta mo’ui′.

‘Oku ui kitaua ‘e he ‘Otua′ he ‘aho ni ki he lēvolo hoko′ (next level). He’ikai ke ta kei pehepeheē ai pē, he’ikai te ta kei tangi ai pē, he’ikai ke ta kei loto mamahi ai pē. ‘Oku ‘i ai ‘a e changing level ia ‘a e ‘Otua′ ke ta a’u ki ai, ko e changing anointing level ia ‘a e ‘Otua′ te Ne hiki kitaua ki ai. Pea te ta sio ai ki he langilangi mo e kolōlia ‘o e ‘Otua′. He will show us His glory! ‘A e kolōlia na’e kole ‘e Mosese′ – “if You don’t show us Your glory – kapau he’ikai ‘alu mo au Ho fōtunga′ (Your Presence) ‘oua na’a Ke ‘ave kimautolu mei heni”.

‘Oku tau tali ‘a e ui ‘a e ‘Otua′ he ‘aho ni mei He’ene Folofola′, Yes LORD, we arise! Take us to Your changing level…yes, Your anointing level”. We are taking off! We are taking off! ‘Oku tau puna hake hangē ko e ‘Ikale′, he kuo Ne fakafo’ou hotau ngū, fakafo’ou hotau loto′, fakafo’ou hotau ivi′ – fo’ou ‘a loto mo tu’a pea kuo Ne hiki hake kitautolu to His changing anointing level.

‘Oku ou fie fakamanatu atu ‘a e lao ‘o e kalāvite′ (gravity). Ko e me’a kotoa pē ‘oku ‘alu ki ‘olunga, ‘e fusi hifo ‘e he kalāvitē ki lalo. Pea ko e mo’ui ‘a e kakai tokolahi ‘oku ngāue ai, pe ‘oku operate ‘e he lao ‘o e kalāvitē′. Pea ‘oku ngāue’aki ia ‘e he tevolo′ ke Ne fusi’aki ‘a e kakai′ ki lalo ki he lēvolo ‘o e fiema’u ‘a e tevolo′. Ko e taimi koee ‘oku ke feinga ai ke ke hiki ki ‘olunga ki he lēvolo hoko ‘a e ‘Otua′ ki ho’o mo’ui′, ‘oku fusi koe ki lalo ‘e he tevolo′.

Ka ‘oku ou ‘oatu ‘e au ‘a e lao ia ‘e taha ‘i natula te ne lava ‘o fakafepaki’i ‘a e lao ‘o e kalāvite′. ‘Oku ui ia ko e “Lao ‘o e Hiki′”. Ko e lao ia ‘oku ne faka’atā ‘a e ngaahi vakapuna′ ke nau puna′. ‘Oku ‘i ai ‘a e fo’i laine ‘i he lele’anga ‘o e vakapuna′ ‘i he’ene teuteu ke puna′ ‘oku ui ‘a e fo’i laine ko ia′ ko e laine ia ke take off ai′ – ke mahiki ai ki ‘olunga ‘a e vakapuna′ ‘o puna′. Ko e ki’i fo’i lao ia ‘oku ne fakafepaki’i ‘a e fakaaoao ‘a e kalāvite′. ‘Ene tu’u ke ne fusi ki lalo ho’o me’a kotoa pē. Ko e ngāue ia ‘a e kalāvite ko e tevolo′ ko ‘ene fusi ki lalo ‘eta mo’ui′, fusi ki lalo ho’o ngāue′, fusi ki lalo ho’o pisinisi′, tō lalo ho fāmili′, tō lalo ho’o ‘amanaki′, vaivai ho’o tui′, fakalotosi’i koe, mahaki’ia ho sino′, palopalema ho’o fānau′, ‘ikai tupu (increase) ha’o me’a ‘oku fai, ngāue pa’anga pē kae fusimo’omo pē, mo e hā fua…hā fua…

Ka ‘i he ‘aho ni mo hono Folofola′ – ‘Oku tau tu’u hake ‘o ulo he kuo hoko mai ‘etau Maama′ ko Sisu Kalaisi – ko e Maama ia ‘o māmani′ (The Light of the world). Pea kuo Ne hiki kitautolu ki He’ene changing anointing level. And now people of God – we take off, kuo tau a’u ki he laine ngata’anga′ (limitation line) ‘a ia ‘oku ne fakangatangata kitautolu ke tau lele māmālie mo toupikoi ‘i he pue ‘oku tau fai′. Kuo tau a’u ki he fo’i laine′ ‘oku ne vahe’i pea ne fakangata ‘a e tō’ohi′ ka tau take off! Kuo taimi ke tau puna mā’olunga ‘aki ‘a e kapakau ‘o e ‘Ikale′ ki he lēvolo hoko ‘oku fiema’u ‘e he ‘Otua′ ke tau a’u ki ai′. Ko e lēvolo ia ‘o e pani taulōfu’u ‘a Hono Laumālie′ ‘i he’eta mo’ui′, ka ta hoko ko e kalisitiane ikuna ‘iate IA.

Fakamanatu atu ‘a ‘Aisea 40:31 – “Ka ko ha’a matatali kia Sihova′, te nau fakafo’ou honau ngū, te nau puna ki ‘olunga hangē ko e ‘Ikale′, te nau lele ‘o ‘ikai ongosia, te nau hā’ele ‘o ‘ikai vaivai”. So, ARISE SHINE! Take off to the next changing anointing level and He will show us His glory!

Tu’a ‘ofa atu ki he Tonga kotoa.

Mosiana Fisi’ipeau.



















































Be the first to comment on "Kaveinga: Taimi ketau Tu’u hake ‘o Ulo!"

Leave a comment

This site uses Akismet to reduce spam. Learn how your comment data is processed.