Laumalie Faka-Sisipeli′ pea mo e Mamani Fakalaumalie′ (Spiritual World)(Jezebel Spirit#10)

Fa’u ‘e Linda Tu’ulakitau

Hangee pe koee ko e me’a na’a ku ako ki ai kimu’a′ ko Sisipeli ‘o e  Fuakava Motu’a′ na’a ne faka’auha ‘a e kau palofita ‘a e ‘Otua′. Pea ko e laumalie faka-sisipeli′ ‘oku ne taumu’a ke ne faka’auha ‘a e kau palofita mo e kau talafekau kotoa pe ‘a e ‘Otua′. ‘Oku ne faka’auha kinautolu ‘i ha fa’ahinga feitu’u pe te ne ‘ilo ai kinautolu, ka ne hanga leva ‘e ia ‘o fokotu’u ‘ene kau palofita loi ke taki hee’i ‘aki ‘a e kakai′ tautefito ki he kakai ‘a e ‘Otua′. ‘Oku nau ‘omai ‘a e ngaahi fekau ‘oku nau ui ko e palofisai (prophecy), ka ko hono mo’oni′ ko e ngaahi fekau pe ko e ngaahi lea ia ‘oku ‘omai mei he tevolo′ pea fakaivia ‘e he tevolo′ (demonically empowered) koe’uhí ke ne takihee’i’aki ‘a e siasi′ mo e ngaahi fonua′ pe pule’anga′. Ko e Siasi pe fonua pe pule’anga ‘oku ma’u kinautolu ‘e he laumalie faka-sisipeli′ ‘oku nau hoko ‘o mohe faka-laumalie.

‘I he Fuakava Fo’ou′ ‘oku to e ‘asi ai ‘a e hingoa Sisipeli′ ‘ia Fakahā 2:18-29 ‘o hangee ko e ako faka’osi na’a ku fai′ ki he operate ‘a e laumalie Sisipeli′ ‘i he ki’i Siasi ‘i Taiataila′. Ko e hingoa Sisipeli ‘o e Fuakava Fo’ou′ ‘oku hoko mai ia ‘i ha kuonga ‘e taha ‘i he hisitolia′, pea ‘i ha ki’i falukunga kakai kehe pea mo ha tokotaha kehe pe fefine kehe, ka ko e laumalie tatau ai pē. Ko e laumalie tatau na’e operate prophetically ‘i loto he Siasi′ ke ne tohoaki ‘a e kakai ‘a e ‘Otua′ kenau mama’o mei he ‘Otua′, kenau tō ki he angahala fe’auaki′ (sexual sin) pea mo e ngaahi angatu’u kehekehe ki he ‘Otua′.

Na’e lea ‘a e ‘Otua′ he Fuakava Motu’a′ pea Ne to e lea pe he Fuakava Fo’ou′, fekau’aki mo e fa’ahinga laumalie tatau – fa’ahinga ivi fakatevolo tatau – fa’ahinga ngaue (operation) tatau – ke ne matu’aki tohoaki mo takihee’i ‘a e kakai′ mei he mo’oni′ – mo’oni faka-‘Otua′ – koe’uhí kenau ‘alu hē kae ‘ikai kenau fononga ‘i he taumu’a (destiny) ‘a e ‘Otua′ ki he’enau mo’ui′. ‘Oku hanga ‘e he laumalie faka-sisipeli′ ‘o ‘ai ‘a e kakai′ ke ‘oua na’a nau fakakakato ‘a e palani totonu ‘a e ‘Otua′ ki he’enau mo’ui′. Pea ‘oku ngaue ‘a e fa’ahinga laumalie ko ‘eni′ ke takihe’e’i ‘a e kakai′ kenau ‘alu mama’o mei he me’a ‘oku totonu kenau fai′ ‘o fakatatau ki he taumu’a mo e palani ‘a e ‘Otua′ ki he’enau mo’ui′.

‘Oku ‘osi talamai fakapatonu pe ‘e he Tohitapu′ – ‘oku ‘i ai ‘a e ngaahi laumalie pe ko e kongakau ‘o e fakapo’uli′  ‘ia ‘Efeso 6:12 “For we wrestle not against flesh and blood, but against principalities, against powers, against the rulers of the darkness of this world, against spiritual wickedness in high places.” (Kataki fakamolemole ‘oku ‘ikai ke ‘iate au ‘eku Tohitapu Faka-Tonga′ he taimi ni). ‘Oku mahino mai mei he veesi Folofola ko ‘eni′ – tā ‘oku ‘i ai ‘a e mamani ‘o e laumalie′ (spiritual world) ‘a ia ‘oku ‘ikai lava hotau mata fakanatula′ ‘o sio ki ai (invisible spiritual world), ka ko e mamani fakalaumalie ia koee ‘oku ngaue mei ai (operate) ‘a e ngaahi fu’u laumalie faka-tevolo ko ‘eni.′  Neongo ‘oku ‘ikai lava ‘a e mata fakanatula ‘o e tokolahi (majority) ‘o e kakai′ ‘o sio ki he spiritual world ko ‘eni′, ka ko e kakai koee ‘oku nau very sensitive ki he mamani faka-laumalie′ (spiritual world), ‘oku nau lava pe kenau ongo’i ‘a e fa’ahinga ‘etimosifia (atmosphere) faka-laumalie ‘o ha feitu’u. ‘Oku lava pe ketau ongo’i ‘a e feitu’u ‘oku fu’u matolutu’u (heavy) ai ‘a e oppression, ‘oku tau ongo’i (feel) pe ‘a e feitu’u ‘oku ‘i ai ‘a e mamahi′ (sadness, pain), ‘oku tau ongo’i pe ‘a e feitu’u ‘oku matolu ai ‘a e depression mo e manavahee mo e ngaahi ha’i faka-laumalie kehekehe. Pea ‘oku tau to e ongo’i pe foki mo e feitu’u ‘oku ‘i ai ‘a e corruption. ‘Oku to e malava pe foki ketau ongo’i ‘a e feitu’u ‘oku nofo’ia ai ‘a e Laumalie Ma’oni’oni ‘o e ‘Otua′. Pea ‘oku mo’oni ai ‘a e lau ‘a e Folofola′ ‘ia 2 Kolinito 3:17 ko e ‘Otua′ ko e Laumalie, pea ko e feitu’u ‘oku ‘i ai ‘a e Laumalie ‘o e ‘Otua′, ‘oku ‘i ai ‘a e tau’ataina′ pe ko e faka-tau’ataina′ (liberty, true freedom).

‘Oku ‘i ai ‘a e spiritual power ‘oku ngaue ‘i ha feitu’u pe ‘etimosifia pea ‘oku tau fa’a ongo’i pe ‘a e me’a ‘oku hoko he feitu’u ko ia′ he taimi ‘oku operate ai ‘a e spiritual power ko ia′ tautefito kiate kinautolu ‘oku nau very sensitive ki he mamani ‘o e laumalie′ (spiritual world). Ka ‘oku ‘ikai ke ngata pe ‘a e ngaue ‘a e ngaahi fu’u laumalie ko ‘eni′ mei he feitu’u ‘o e laumalie′ (spiritual realm), ka ‘oku nau to e ngaue (operate) foki ‘i he mo’ui ‘a ha tangata pe fefine mo’ui (a living person). Kapau te tau fakatokanga’i ‘a e mo’ui ‘a e fefine koee ko Sisipeli, na’e ‘i ai ‘a e fu’u laumalie ma’u mafai ‘oku ‘ikai lava e tangata′ ‘o sio ki ai ‘aki hono mata fakanatula′ – but there is a spiritual power that exists ‘a ia na’a ne ngaue’aki ‘a e fefine mo’ui (ie. Kuini Sisipeli) na’a ne faka’ataa ia ke me’a ngaue’aki ‘e he laumalie faka-tevolo ko ‘eni′ koe’uhí ke ne fakahāhā (manifest, express) mai ai kitu’a ‘a e mo’ui kovi (evilness) ‘o e fu’u laumalie ko ia′. ‘Oku malava ‘o operate ‘a e fu’u laumalie ko ‘eni′ ‘i ha tangata pe fefine mo’ui koe’uhí ko ‘ene faka’ataa pe fakavaivai (yielded) ki he fu’u laumalie faka-tevolo ko ia.′

Talamai ‘e 2 Kolinito 10:4 – “For the weapons of our warfare are not carnal, but mighty through God to the pulling down of strong holds…” ‘Oku mahino mai mei he veesi Folofola ko ‘eni ‘oku ‘i ai ‘a e me’a ‘oku ui ko e kolotau malohi (strong holds) he mo’ui.′ Ka koehā nai ‘a e kolotau pe ko e strong holds ‘o fakatatau ki he lau koee ‘a e Folofola′? . . .

Teu toki hoko atu ‘o fakamatala’i ‘a e Strongholds ‘i he Ako hoko′…Pea te u to e hoko atu leva keu ‘oatu ‘a e fo’i talanoa mei he Folofola′ ‘oku tau sio ai ki he maumau na’e fai ‘e he laumalie faka-sisipeli′ ki he mo’ui ‘a e tokotaha koee na’e fakatauele’I ‘e he laumalie faka-sisipeli′ koe’uhí ko ‘ene faka’ataa pe fakavaivai ki ai′…Malo ho’omou me’a mai′, ka tau toki hoko atu . . .

Sponsor Advertisement

Be the first to comment on "Laumalie Faka-Sisipeli′ pea mo e Mamani Fakalaumalie′ (Spiritual World)(Jezebel Spirit#10)"

Leave a comment

This site uses Akismet to reduce spam. Learn how your comment data is processed.