PERSONAL EVANGELISM: Vahevahe ‘a Sisu ki ha Taha pē. Fakahaa’i ‘a e Power ‘o e ‘Otua′ ki ha Taha pē ‘oku ne Fiema’u ha Tokoni!

Fa’u ‘e Linda Tu’ulakitau.

‘Oku ‘i ai ‘a e kehekehe ‘o e Ministry Gift of Evangelism pea mo e Personal Evangelism. Ko e ‘atikolo ‘o e ‘aho ni′ ‘oku ou fie vahevahe atu ‘i he Personal Evangelism. Ka kimu’a keu vahevahe atu ai fekau’aki mo ‘eku a’usia fakafo’ituitui′, ‘oku ou faka’amu pe ke u ki’i lave si’i atu ki hona faikehekehe′.

‘Oku ui ‘e he ‘Otua′ ha kakai kenau hoko ko ‘Ene kau faka-‘evangelioo. Ko kinautolu ia ‘oku ‘i ai ‘a e ministry gift ‘o e ‘evangelioo.  Ko e ‘evangelioo ‘oku kau ia he taha ‘o e ngaahi five-fold ministry ‘a ia ‘oku talanoa ki ai ‘a ‘Efeso 4:11-13. ‘A ia ‘oku ‘i ai ‘a e kau ‘Aposetolo, Palofita, ‘Evangelioo, Faifekau pea mo e Faiako. Pea ko e kakai kuo ui ‘e he ‘Otua′ ki he ministry gift ‘o e ‘Evangelioo ‘oku Ne to e faka-teunga’aki kinautolu ‘a e ngaahi me’a’ofa faka-laumalie (spiritual gifts) koe’uhí ke fakakakato’aki honau ui′ (to help them fulfil their calling). Fa’ahinga kakai ‘oku ui kinautolu ‘e he ‘Otua′ ki he ministry gift ‘o e Evangelioo ‘oku hangee ko Kathryn Kuhlman, Billy Graham, Reinhard Bonke, Morris Cerullo etc, mo e tokolahi ‘o kinautolu kuo ui ‘e he ‘Otua′ kenau hoko ko e kau ‘Evangelioo. Pea ko e ministry gift ‘o e ‘Evangelioo ‘oku ‘ikai ko ha fo’i tu’unga pe lakanga (position) ka ko e ngaue (function). ‘Oku ‘ikai ko ha lakanga ia ‘oku fili ‘e he tangata′ (appointed by man) ke ke hoko ko e ‘Evangelioo pe ‘oku title ‘aki ‘e ha taha ko ha ‘Evangelioo. Ka ko e ngaue kuo ui ki ai ‘a e tangata pe fefine ko ia′ ‘e he ‘Otua′ ke ne hoko ko e ‘Evangelioo ‘a e ‘Otua′. ‘Oku ‘ikai ko ha lakanga ia ‘oku fili ki ai ‘e ha tangata. Pea ‘oku hanga leva ‘e he ‘Otua′ ‘o fa’oaki ‘Ene ngaahi me’a’ofa faka-laumalie′ (hangee ko e healing for instance) ‘i he tokotaha ko ia′ koe’uhí ke fakakakato’aki hono ui′ lolotonga ‘ene kei nofo ‘i mamani′. ‘Oku ‘ikai ke to e ‘i ai ha need ia ki he tokotaha ko ia′ ke ne label mai ‘aki pe te ne title mai ‘aki ‘a e ‘Evangelioo ‘i mu’a hono hingoa′. Pea ‘oku ‘ikai keu pehee ‘e au ‘oku ‘i ai hano kovi ka title ‘aki ‘e ha taha ‘a e ‘Evangelioo he ko e me’a fakafo’ituitui pe ia ‘a e tokotaha ko ia′ ‘a e anga ‘ene preference. Ka ko ‘eku ‘uhinga′ (and this is my own opinion, I do not speak for others) there is no need because we can identify an Evangelist. We can identify a Prophet. We can identify a Teacher etc. Pe ‘e to e need ia ke ne kaila mai he’ene malanga′ pe ko ‘ene lea′ ko au′ ko e ‘Evangelioo au. Ka ko e taimi pe ‘ene malanga′ pe ko ‘ene lea′ kuo tau ‘osi lava pe ketau identify hono calling ko e ‘Evangelioo. Hangee ko ‘eni′ he’ikai to e ha’u ‘a e kulii (dog) hufanga he fakatapu′ ‘o talamai ko au′ ko e kulii au. He ko ‘ene kalou (bark) pe ‘a e kulii (hufanga he fakatapu′) kuo tau ‘osi ‘ilo leva ko e kulii ia. Ko e ‘Evangelioo ko ‘ene passion ko e salvation ki he laumalie ‘o e tangata′. Ko ‘ene life blood ia ‘a e ‘Evangelioo – ke ma’u ‘e he tangata mo e fefine kotoa pe honau fakamo’ui′ ‘i he ‘Eiki ko Sisu Kalaisi′.

Ko e Personal Evangelism ‘oku kehekehe ia mei he Ministry Gift of an Evangelist. ‘I he Personal Evangelism, ‘oku ‘ikai ketau ma’u ‘etautolu ‘a e Ministry Gift ‘o e ‘Evangelioo ‘aee ‘i he five-fold ministry, ka ko e kalisitiane kotoa pe kuo fanau’i fo’ou ‘ia Kalaisi hangee ko koe mo au′ (ordinary, everyday Christians like us), ‘oku kouna kitautolu ia ‘e Sisu ketau a’u atu mo e Kosipeli ‘o Sisu Kalaisi′ ki he ngata’anga ‘o mamani. Ko hotau tufakanga ia ‘oku ‘omai ‘e he ‘Eiki′ ki he kalisitiane kotoa pe kuopau ketau vahevahe ‘Ene kosipeli′ pe ko e ongoongolelei ‘o Sisu Kalaisi′ ki he taha kotoa pe ‘oku Ne faka’ataa mai ketau vahevahe ki ai – ‘i hotau kaungaa’api′, ‘i he kolo ‘oku tau nofo ai′, ‘i hotau famili′, ‘i hotau ‘atakai′, ‘i he ‘apiako ‘oku tau ako ai′, ‘i he ngaue’anga ‘oku tau ngaue ai′, pea ‘i hotau fonua ‘oku tau nofo ai′. Pea ‘oku mahu’inga leva ke ta talangofua ‘o ta vahevahe ‘a Sisu mo ‘ene kosipeli′ ki he taha kotoa pe ‘oku faka’ataa ‘e he ‘Eiki′ ke ta vahevahe ki ai. Teu fai ‘a e ki’i vahevahe ko ‘eni′ fekau’aki mo ‘eku a’usia fakafo’ituitui pea ‘oku ne fakalotolahi’i au keu involve ‘i he Personal Evangelism he ngaahi ‘aho ni.

Lolotonga ‘eku kei ako ‘i he University′ he ngaahi ta’u kuo hili′, pea ko e tutuku ‘a e ako′ na’a ku hu ai ki he ngaue ‘i he kautaha ‘e taha ‘ou hoko ko e sales person koe’uhi′ ke tufi’aki ha’aku pa’anga ke tokoni ki hono kumi’aki ‘eku ‘u textbooks mo ‘eku ngaahi fiema’u fakaako′. Na’a ku pehee ko au′ ko e tokotaha maa au keu lava ‘o talanoa mo approach ki he total strangers. Na’a ku pehee ko au′ ko e tokotaha au ‘oku ou fu’u very nervous keu approach ki he total strangers and talk to them. Ka ko ‘eku vahe′ na’e makatu’unga ia he lahi ‘a e koloa na’a ku lava ‘o fakatau atu he uike′. Ko ia ai, he’eku sio ki he’eku fu’u fiema’u ha pa’anga ke fakalato ‘aki ‘eku ngaahi fiema’u fakaako′, na’a ku determine in my heart teu approach ki he taha kotoa pe teu fetaulaki mo ia. Pea kamata leva keu fakatokanga’i kuo mole meiate au ‘a e maa keu approach mo talanoa ki ha kakai ‘oku ‘ikai kemau maheni (strangers). Na’a ku ‘ohovale he’eku fakatokanga’i taa ‘oku ou sai ‘aupito he me’a ko e selling. Na’e hikihiki ‘eku vahe′ pea promote au mei he level ki he level, pea u enjoy ‘aupito ‘a e ngaue na’a ku fai.′

Na’a ku to e involve he ngaahi ngaue selling he kuo hili′ pea na’a ku sai’ia ‘aupito ai. ‘Ikai ngata he lahi ‘a e ngaahi koloa ‘oku ou lava ‘o fakatau atu he uike, kau fakatokanga’i ‘eku enjoy ‘a e ngaue′ especially meeting new people, talking to new people, make new friends etc. ‘I ai e ngaahi taimi lahi na’a ku ‘alu ai ‘o have breakfast or lunch mo talanoa mo ‘eku kau good customers/clients (mei he matakali kehekehe ‘o a’u ki he kakai Moslem) kuo nau hoko kinautolu ko hoku ngaahi friends he taimi ko ia′. Ko e me’a na’a ku fakatokanga’i he taimi ko ia′, na’e mole ‘a e manavahee meiate au keu approach ‘a e total strangers, pea ‘ikai keu manavahee keu hu ‘o tangutu he ‘api ‘o e kakai he ngaahi matakali kehekehe ‘o talanoa mo kinautolu. And I truly enjoyed the work I did!

Pea ko e inspiration ia na’e ha’u ki hoku loto′ he taimi na’a ku ‘ilo ai mo hoku husepaniti′ ‘oku ‘i ai ‘a e ui ‘a e ‘Eiki′ kiate kimaua ke talaki IA mo ‘Ene ongoongolelei′. Na’a ku lava ‘o approach ‘a e total strangers in the past. Na’e malava keu hu ‘o tangutu he loto fale ‘o e ngaahi matakali kehekehe ‘o talanoa mo e kakai na’e ‘ikai kemau maheni ki mu’a pe temau felave’i fakatoto ta’eteu ‘alu ai mo hoku husepaniti′ keu feel secure ka na’a ku loto lahi′ koe’uhi′ ko ‘eku kumi e fo’i ‘ulu ‘o Kuini ‘Elisapeti′ (pa’anga). Ko ‘eku mo’ui ia he ngaahi ta’u kuo hili′. Ka ko ‘eku fehu’i hifo kiate au′ he taimi na’a ku ‘ilo ai ‘oku ‘i ai ‘a e ui ‘a e ‘Eiki ki he’ema mo’ui′. Kapau na’a ku lava ‘o fai e ngaahi me’a kotoa ko ia′ koe haa e me’a ‘oku ‘ikai ai keu approach ‘a e total strangers ke tufaki ‘a e ongoongolelei ‘o Kalaisi′? Koe haa e me’a ‘oku ‘ikai keu ‘alu ai ‘o tangutu he ngaahi loto fale ‘o e ngaahi matakali kehekehe ‘i Sydney ‘o talanoa mo kinautolu ‘o vahevahe ‘a Kalaisi mo ‘Ene free gift of salvation kiate kinautolu? Na’a ku lava ‘o confidently approach people ke tu’uaki kiate kinautolu ‘a e products ‘oku ou pehee ‘e lelei kiate kinautolu ‘i he kuo hili? Fefee ha’aku confidently approach people ‘oku ‘i ai honau faingata’a’ia fakasino keu lotu ma’anautolu he kuo ‘osi ‘omai ‘e he ‘Eiki′ ‘a e mafai ko ia′ kiate au?

Na’e hanga ‘e he ‘Eiki′ ‘o tuku ‘i hoku loto′ na’a Ne faka’ataa au keu fai ‘a e ngaahi ngaue pehee′ he kuo hili′ koe’uhi ko ‘Ene teu’i ia ‘eku mo’ui′ he ‘e ‘i ai ‘a e ‘aho pehee ni, kuo u hu ai ki tu’a mo hoku ki’i famili′ ‘o ‘ikai ko ‘emau tu’uaki ha koloa fakamatelie, ka ko ‘emau talaki ‘a Sisu mo ‘Ene kosipeli/ongoongolelei′ ki he taha kotoa pe ‘oku faka’ataa ‘e he ‘Eiki′ kemau a’u ki ai.

‘Oku ou tui kaungaa fononga ‘i he ‘Eiki′, God doesn’t waste ha vaa’ihala fononga ‘oku Ne faka’ataa koe ke ke fononga ai. ‘Oku ou tui ko ‘etau experience pe ko e vaa’ihala fononga na’a tau foua he kuohili′ ko e teu tangata mo e teu fefine ia ‘a e ‘Eiki′ ma’a ‘etau mo’ui′ koe’uhí pe ko ‘Ene taumu’a ki he’etau mo’ui′ ketau fakakakato lolotonga ‘etau kei mo’ui ‘i he mamani.′ Na’e fakamo’ui koe ‘e he ‘Eiki pea mo au koe’uhi pe ke ta a’u atu ki ha taha pe ‘i ho ‘atakai′ mo hoku ‘atakai′ ‘o talaki ‘a Sisu mo ‘Ene ongoongo lelei′ ki ai. Pea ko e mahu’inga ia ‘o e Personal Evangelism. Kuo kouna kitaua ‘e Sisu keta talaki IA ki mamani pea kuo Ne ‘omai ‘Ene mafai′ mo Hono power keta ‘alu mo IA. Pea ko Hono fotunga′ ‘e ‘alu mo kitaua.

Blessings to you all.

Linda Tu’ulakitau.

Sponsor Advertisement

Be the first to comment on "PERSONAL EVANGELISM: Vahevahe ‘a Sisu ki ha Taha pē. Fakahaa’i ‘a e Power ‘o e ‘Otua′ ki ha Taha pē ‘oku ne Fiema’u ha Tokoni!"

Leave a comment

This site uses Akismet to reduce spam. Learn how your comment data is processed.