Ko e Fefine Mo’ui Fa’a Lotu′

Fa’u ‘e Linda Tu’ulakitau

Palovepi 31:12 – Ko e lelei te ne fai ma’ana ‘o ‘ikai ko e kovi, ‘I he ngaahi ‘aho kotoa ‘o ‘ene mo’ui.

Saame 121:1-2 – Te u tangaki hoku mata ki he ngaahi mo’unga: ‘E ha’u mei fe hoku tokoni? Ko hoku tokoni ‘oku meia Sihova, ‘a ia na’a ne ngaohi ‘a e langi mo mamani.

Proverbs 31:12King James Version (KJV) – 12 She will do him good and not evil all the days of her life.

Psalm 121:1-2King James Version (KJV) 121 I will lift up mine eyes unto the hills, from whence cometh my help.

2 My help cometh from the Lord, which made heaven and earth.

Fakafeta’i ki he ‘Eiki′ ‘etau to e ma’u ‘a e ‘aho faka’ofo’ofa ko ‘eni′. ‘Oku ou talitali lelei ‘a koe kotoa pē ‘oku ke me’a mai ki he Peesi ‘a e Kakai Fefine′ pe ko e Women Ministry he ‘aho ko ‘eni′ ketau kau fakataha ‘i he vahevahe mei He’ene Folofola.′

Talamai ‘e he Folofola′ ko e fefine ‘o e Palovepi 31′ ko e fefine nima fa’a ngāue, ka na’a ne ‘ilo’i ‘oku ‘i ai ‘a e ngaahi ngāue ia ‘oku toki lava pē ia ‘o fakakakato mo ikuna’i ‘e he lotu.′ Pea ‘oku ou tui na’e ‘i ai ‘a e taimi mavahe ‘a e fefine ko ‘eni′ ‘i he ‘aho kotoa pē ‘oku fakamoleki ia ke ne lotu ai ki he ‘Otua.′ Pea ‘oku ou ako lahi mei he mo’ui ‘a e fefine ko ‘eni.′

Na’e pehee ‘e he tokotaha malanga fakaakeake (revival preacher) ko ia ko Leonard Ravenhill: “’Oku ‘ikai ke ‘i ai ha kalisitiane ia ‘e to e lahi hake ‘i he’ene mo’ui lotu′”. “No Christian is greater than his prayer life”. Ko e taimi koee kuo hoko ‘o fakanatula ai ‘a e lotu′ ‘o hangee pē ko ‘etau mānava′, pea ‘oku tau fakatokanga’i tā ‘oku tau lava ‘o lotu ta’etuku. Ko e lotu′ ‘oku ‘ikai ko ha fo’i ngāue pē ia ‘oku tau fai. Ka ko e lotu′ ko e mindset, ko e attitude, ko e fo’i ‘etimosifia (atmosphere) ‘oku tau ngaohi. ‘I he taimi ‘oku tau feohi vāofi ai pea mo e ‘Otua′ ‘i he momeniti ki he momeniti, pea ‘oku ‘i ai ‘etau conscious awareness ‘oku Ne ofi ma’u pē kiate kitautolu, ‘oku tau consciously aware ‘oku ‘i ai hotau Kaume’a (friend) ‘oku ne ofi ange ia kiate kitautolu ‘i ha tau tokoua, ko e Tokotaha Fale’i ‘oku Ne ofi ma’u pē ke Ne tokoni, ko e Taukapo ‘oku Ne ‘i ai ma’u pē ke taukapo’i kitautolu, ko e Faiako ‘oku Ne lea ki he’etau mo’ui′, pea ‘e hoko leva ‘a e ki’i momeniti kotoa pē he’etau mo’ui′ ko e lotu ia. Pea ‘oku ou tui na’e pehee ‘a e mo’ui ‘a e fefine ‘o e Palovepi 31. Ko e fefine na’e mo’ui fa’a lotu. Ko e fefine na’e lotu ta’etuku. Ko e fefine na’e ‘i ai ‘ene conscious awareness ko hono ‘Otua′ ‘oku ofi ma’u pē kiate ia, pea ko e momeniti kotoa pē he’ene mo’ui′ ko e lotu ia. Pea tā ne’ine’i ke talamai ‘e he’etau Folofola he ‘aho ni: “Ko e lelei te ne fai ma’ana ‘o ‘ikai ko e kovi, ‘i he ngaahi ‘aho kotoa ‘o ‘ene mo’ui.′” (Palovepi 31:12).

Talamai ‘e Paula ‘ia Kolose 4:2 – “Devote yourselves to prayer, being watchful and thankful”. Mou faka’utumauku ‘i ho’omou hū; pea mou ‘ā ‘i hono fai′, pea fai mo e fakafeta’i”. Kuopau ketau commit ki he mo’ui lotu′. Ke tau kamata’aki ‘a e ‘aho kotoa pē ‘etau watch ki he ‘Otua, ‘o ‘eke ki AI koe hā ‘Ene fokotu’utu’u ki he ‘aho ko ia′. Pea hokohoko ai pē ketau watch ki he ‘Otua′, mo e loto ‘oku fa’a fakafeta’i. Neongo pe koe hā ‘a e ngāue ‘oku tau fai he ‘aho takitaha, ka ko hotau loto′ ‘oku fakafeta’i pē ia ki he ‘Otua′ he me’a kotoa pē. Pea i he’etau faka’utumauku ‘i hono fai ‘a e lotu′ pea mo ‘etau ‘ā (watch) ‘i hono fai′, te tau fakatokanga’i leva ‘a e lahi ‘o e ngaahi me’a kehekehe he ‘aho takitaha ‘oku totonu ketau fakafeta’i mo fakamālō ai ki he ‘Otua′. Tā ‘oku tau ma’u pē ‘a e bad attitude mo e mo’ui lāunga mo ta’efiemālie, mo ta’emanonga koe’uhí ko ‘etau haveve holo he ngaahi me’a kehekehe kae ‘ikai ketau faka’utumauku ‘i hono fai ‘a e lotu′ pea tau ‘ā ‘i hono fai′, pea fai mo e loto ‘oku fa’a fakafeta’i.

 ‘Ikai ngata ai′, ‘i he’etau faka’utumauku ‘i he lotu′ pea tau ‘ā ‘i hono fai′, ‘oku fa’a hanga ‘e he ‘Otua′ ‘o ‘omai fakahangatonu kiate kitautolu ki hotau loto′ ‘a e ngaahi prayer requests (God-prompted prayer requests) ketau lotu ki ai. Fa’a fakakaukau ange′ ki he ngaahi prayer requests ‘oku ‘omai hangatonu pē ia ki ho loto′ ke ke lotu ki ai he fuoloa ‘o e po’uli′, pe ko e lolotonga pē ‘a e fai ha ‘o ngāue he ‘aho′ ‘oku ke ‘ohovale pē kuo ‘osi deposit ‘a e prayer request ia ko ia′ ‘i ho loto/laumālie′ pea ‘oku ‘i ai ‘a e mafasia (burden) ‘i ho loto′ ke ke lotu ki ai. Ko e ngaahi prayer requests ia koee ‘oku deposit fakahangatonu ia ‘e he ‘Otua′ ki ho loto′ ke ke lotu ki ai.′ Ka ‘e faingata’a ke ‘omai fakahangatonu ‘e he ‘Eiki′ ha ngaahi prayer requests ki hotau loto′ kapau ‘oku ‘ikai ketau faka’utumauku ‘i he lotu′ pea tau ‘ā (watch) ‘i hono fai.′

Ko ‘etau faka’utumauku koee he lotu′ pea ‘oku tau hanga leva ‘o ‘omai ‘a hevani ke ne tokoni ‘i hotau ngaahi circumstances ‘oku tau fehangahangai mo ia ‘i mamani.′ Te u fai pē ha’aku ki’i vahevahe ki he’eku a’usia fakafo’ituitui ‘o fekau’aki mo e tafa’aki ko ‘eni.′

Ko e taha ia ‘o e konga mahu’inga taha ‘i he’eku mo’ui′ ko e ‘i ai ‘a e taimi mavahe ‘oku ou devoted ai keu lotu ‘i he lilo.′ Ko au tokotaha pē pea mo e ‘Eiki′ ‘i ha potu longonoa. ‘Oku hanga ‘e he’ete mo’ui lotu′ ‘o fakahaa’i mai kiate kita ‘oku ofi mai ma’upē ‘a e ‘Eiki.′ “Ko e hufanga ‘a e ‘Otua′ kiate kitautolu, mo ha mālohi. Ko e tokoni ‘i he mamahi mātu’aki ofi”. “He is a refuge and strength, a VERY PRESENT HELP in trouble.” Saame 46:1.

‘Oku ou manatu’i pē ‘a e ngaahi ta’u kuo maliu atu′, na’e ‘i ai e fo’i taimi ai ‘e taha he’eku mo’ui′ that I was at the lowest point of my life. ‘Oku ou manatu’i ‘a e ‘aho ko ia′ ‘eku lotu ki he ‘Eiki′ ke Ne tokoni mai kiate au he ‘oku ou faingata’a’ia lahi. ‘Oku ou manatu’i ko e kau ‘eni he’eku houa lotu he’ikai pē ke toe ngalo ‘iate au koe’uhí ko ‘eku ongo’i ‘a e le’o ‘o e ‘Otua′ ‘ene lea kiate au′, it was very clear and so obvious that it was God who spoke to me. Ko e lea na’a Ne ‘omai kiate au′ na’e pehee: “I will be with you when you pass through the waters, and when you pass through the rivers, they will not overwhelm you. You will not be scorched when you walk through the fire, and the flame will not burn you”. Isaiah 43:2. No words can describe that experience. Na’e ‘ikai teu lau ‘e au ‘a e Tohitapu′ keu lau ‘a ‘Aisea 43:2. Kae hangee ha taha ‘oku ne lea mai’aki pē ‘e ia ‘a e fo’i kupu’i Folofola ko ia′ ki hoku laumalie′ he fo’i taimi ko ia.′ Ka ko e fa’ahinga lea ia ko ia′ ‘oku tau ia ki he tefito hoku loto′ mo hoku laumalie′ pea te ongo’i hangee ka mafahi hoku mafu′ because I felt so overwhelmed with His love. Na’a ku tangi lahi ‘o a’u pē ki he’eku tō hifo ki lalo ‘o tangi ai, ‘ikai toe lava ia ‘e au ‘o mapule’i ‘a e tafe hoku lo’imata′ mo e fa’ahinga ongo’i ‘ofa mo’oni ‘i hoku loto′ ki he ‘Eiki′ koe’uhí he ‘oku ou ongo’i ‘Ene ‘ofa ‘iate au′ ‘oku ta’ehano tatau, ta’etoe ‘i ai hano ngata’anga pea ‘oku lolotonga tafe mai ‘Ene ‘ofa′ kiate au he momeniti ko ia.′ I also sensed that my Lord and Saviour ‘oku Ne fu’u ofi ‘aupito ‘aupito kiate au ‘i he momeniti ko ia.′ Na’a ku ongo’i ‘a e momofi mai ‘Ene ‘ofa′ it was so beautiful but so overwhelming at the same time. Ko e kau ia he taha ‘o ‘eku ngaahi houa lotu he’ikai pē toe ngalo ia ‘iate au koe’uhi′ ko ‘eku ongo’i ‘a e fu’u ofi mai ‘a e ‘Eiki′ kiate au he taimi ko ia.′ Pea u ongo’i ‘Ene lea kiate au′, it was so clear, it was so obvious to me that it was my Lord who had spoken to my heart.  

God was so faithful to keep His promises to me ‘o hangee ko ‘Ene lea na’e fai kiate au.′ He ko hono mo’oni′, I passed through the water and rivers, and walked through the fire, but I wasn’t burned, scorched or overwhelmed!! God kept His promises!

‘Oku ofi ma’upē ‘a e ‘Eiki′ kiate au he taimi kotoa pē. Ka ko ‘eku mo’ui fa’a lotu lilo′ pea teu ‘ilo leva ‘a e ofi mai ‘a e ‘Eiki′ kiate au he taimi kotoa pē. ‘Oku Ne ofi ke ne tokoni’i au ‘i hoku ngaahi faingata’a’ia kotoa pē. ‘Oku ne faka’amu keu vahevahe ange ki ai ‘eku ngaahi palopalema ‘oku ou fehangahangai faka’aho mo ia′, ‘a e ngaahi faingata’a ‘oku fehangahangai mo ‘eku mo’ui′, ‘oku ne fakaongo keu vahevahe ange ki ai ‘eku daily struggles, ha ngaahi burden he’eku mo’ui′ koe’uhí ka ne vahevahe ‘e ia mo au hoku ngaahi mafasia’anga.′ ‘One to’o ‘e ia meiate au ‘a e mamafa ‘eku kavenga ‘oku fata mai he fononga’anga we call life.  Pea taimi ‘e ni’ihi ‘oku ou ongo’i ai ‘oku ‘ikai keu kei lava ‘o lue he fononga’anga′, He even carries me along the way! ‘Oku ne fakalotolahi’i au keu kei fononga ai pē, keu kei lele ai pē he pue′ kae ‘oleva pē kuo u ‘au ki he ngata’anga′ (to keep on walking, keep on running until I reach the finish line) kae lava ke ma’u hoku pale.′

Ko e fili′ ‘oku ha’u ia ‘o kau fakataha mo mamani ke tukuhifo kitautolu mo ne contempt kitautolu. Ka ko e ‘Eiki′ ‘oku ha’u ia ke Ne hiki hake kitautolu ki ‘olunga pea Ne fakalotolahi’i kitautolu ketau keep going he fononga’anga.′ ‘Oku Ne ‘ofa’i kitautolu, pea ka ‘oku ‘i ai ha’atau fehalaaki, ‘oku ‘ikai ke ne contempt kitautolu, ka ‘oku Ne ala mai ‘aki ‘Ene ‘ofa mo ‘Ene meesi mo ‘Ene fakamolemole ke to e fakafoki kitautolu ki he fatafata ‘ofa ‘o e Tamai.′ A’u ki ha taimi ‘oku discipline ai kitautolu ‘e he ‘Otua′ koe’uhí he ‘oku pehee ‘a e fai ‘e ha Tamai ‘ofa, ka ‘oku Ne kei discipline kitautolu funga pē he’ene ‘ofa′, ‘i he founga ‘oku tau ako ai mei he’etau fehalaaki′ ka ‘i he taimi tatau ‘oku tau ‘ilo’i ai ‘a e ‘ofa ‘a e ‘Otua′ ‘oku ta’ehano tatau. There is no one like Jesus!

Ko e lahi ange ‘ete taimi feohi mo e ‘Eiki′ ‘i he lotu′, pea ‘oku ne ‘omai ‘a e nonga′ mo e fiemalie′ ki hotau loto.′ ‘Oku ‘ikai ketau to e panic ha hoko mai ha faingata’a fakatu’upakē koe’uhí he ‘oku tau ‘ilo’ilopau through he’etau ngaahi experiences kimu’a′ that God is always near ke ne tokoni’i kitautolu, ke ne ‘omi ‘ene nonga′ mo ‘ene melino′ mo ‘ene fiemalie′ ki hotau loto.′ ‘Oku hoko mai ‘a e fili′ ke ne mess up hotau ‘aho′ ketau ongo’i frustrated pē he ‘aho kotoa, ka ko e mahu’inga ‘etau mo’ui fa’a lotu′ ko ‘etau ‘ilo fakapapau ai ‘a e ofi mai ‘a e ‘Eiki′ ‘o fai tokonia kitautolu he me’a kotoa pea hoko leva hotau ‘aho′ ko e ‘aho ‘oku tau ma’u ai ‘a e nonga′ mo e fiefia′ mo e fiemalie′ ‘o tatau ai pē koe hā ha fa’ahinga tūkunga ‘o e mo’ui′ ‘oku tau fehangahangai mo ia.

‘Ofa atu ki he taha kotoa pē ‘oku ke me’a mai. ‘Ofa kemou ma’u ha ‘aho fonu tāpuekina he ‘aho ni.

Linda Tu’ulakitau.

Be the first to comment

Leave a Reply

This site uses Akismet to reduce spam. Learn how your comment data is processed.