Ngaahi A’usia ‘o ‘ema Lotu Hufia Pō ‘e 40

Fa’u ‘e Linda Tu’ulakitau

Lotu Hufia ‘o e Pō Monite 16 Ma’asi 2020

Na’a ku lotu hufia mo ‘eku fine’eiki′ he pō Monite 16 Ma’asi 2020 ‘o kamata he taimi 11:00 PM (Sydney time), pea na’a ma lotu ‘i he Laumālie′ (praying in the Spirit). Lolotonga ‘ema lotu′, na’a ku visone ‘ou sio ki he kau ‘angelo ‘a e ‘Otua′ ‘oku nau tu’u takatakai ‘i tu’a homau fale′ pea ‘oku hina ekiaki honau teunga.′ Pea ‘oku maamangia ai pē ‘a tu’a ia homau ‘api′ neongo ko e po’uli. We are surrounded by the angels of God. Na’e ‘ikai ke ‘alu homa ki’i ‘ofefine lahi′ ‘o ako he ‘aho ko ia′ he na’a ne talamai ‘oku langa lahi hono ‘ulu′ pea ongo’i puke. Koe’uhí ko ‘ene take care ‘a hono friend ‘i he ako′ na’e puke ka na’e ha’u pē ia ‘o ako ko ‘enau assignment na’e due he ‘aho ko ia.′ Na’a ku ha’u ‘o lotu he pō ko ia′ mo e tu’u pē hoku loto′ homa ki’i ‘ofefine′ koe’uhí ko ‘eku sio ki he coronavirus ‘oku lolotonga tō ‘i mamani.′ Pea ko e lea ‘a e Laumalie′ kiate au he lolotonga ‘eku lotu ‘i he Laumalie.′ Ko e taimi na’e ha’u ai ‘a e ‘angelo faka’auha′ (the death angel) ki ‘Isipite′ ke faka’auha ‘a ‘Isipite′, na’e pau ke hanga ‘e he kakai ‘a e ‘Otua′ ‘o vali ‘a e toto ‘o e lami′ ‘i he kau matapā kotoa ‘o e kau ‘Isileli′. Pea ‘ilonga ‘a e fale kotoa pē ‘oku maaka ‘aki ‘a e toto′, na’e fakalaka ‘a e ‘angelo faka’auha′ ‘o ‘ikai ke ha’u ‘a e mate′ ki he fale pe famili ko ia.′ Pea ko e lea ia ‘a e Laumalie ‘o e ‘Otua′ kiate au ‘i he’eku lotu′, ko e me’a tatau ia ‘oku hoko ‘i he tō ‘a e ngaahi mahaki faka’auha′ ki he mamani ko ‘eni′ ‘o hangee ko e coronavirus, ko e fale kotoa pē, ko e famili kotoa pē, ko e mo’ui kotoa pē ‘oku vali ‘aki pea maaka ‘aki ‘a e Ta’ata’a ‘o e ‘Eiki ko Sisu Kalaisi′, ‘e fakalaka ‘a e mate′ pea mo e virus mei he fale, famili mo e fo’i mo’ui (individual) ko ia.′ Pea ‘oku ‘ikai ke ‘i ai ha me’a ia ‘a e kakai ‘a e ‘Otua′ kenau teteki pe manavahē ki ai because no weapon formed against them will prosper because they are covered by the Blood of Jesus. Haleluiā! Ko hotau mo’ui ‘anga ia ‘i he fu’u mahaki ko ‘eni ‘oku tō ‘i mamani′ ko e Ta’ata’a pē ‘o e ‘Eiki ko Sisu Kalaisi′ pea mo e lolo (anointing) ‘o Hono Laumalie.′ Na’e a’u hake pē ki he ‘aho ‘e taha′, na’e talamai ‘e homa ‘ofefine′ ‘e foki ia ki he ako′ he kuo matafi atu ‘a e langa hono ‘ulu′ mo ‘ene ongo’i puke.′ Fakafeta’i ki he ‘Eiki′ he ‘oku ‘i ai ‘a e nonga mo e fiemālie ‘i hotau loto′ ‘i he’etau ‘ilo we are under the precious Blood of Jesus. Pea ‘oku pani’aki kitautolu ‘a e lolo ‘o hono Laumalie.′ Pea mo’oni ai ‘a e lau ‘a Saame 23:  Even though I walk through the darkest valley, I will fear no evil, for you are with me; your rod and your staff, they comfort me. 5 You prepare a table before me in the presence of my enemies. You anoint my head with oil; my cup overflows. 6 Surely your goodness and love will follow me all the days of my life, and I will dwell in the house of the Lord forever”.

Lotu Hufia ‘o e Pō Tusite 17 Ma’asi 2020

Na’a ku lotu hufia mo ‘eku fine’eiki′ he poo Tusite 17 Ma’asi 2020 taimi 11:00 PM ai pee, taimi ‘a Sydney Australia. Pea na’a ma lotu ai pee ‘i he Laumalie′ (praying in the Spirit). Na’e ‘i ai ‘a e misi ‘a ‘eku fine’eiki′ he ‘aho Monite′ ‘a ia na’a ne fakamatala’i mai kiate au. ‘Oku ou tui lahi ko e misi ‘eni mei he ‘Eiki′, ko e fekau ‘oku tuku mai ‘e he ‘Eiki′ ‘i he misi ko ‘eni′ ‘o fekau’aki mo au. Na’e tokoni mai ‘a e Laumalie′ keu lava ‘o faka’uhinga’i ‘a e misi faka-‘Otua ko ‘eni.′ Ka na’e ‘i ai ‘a e fo’i konga ‘e taha ‘o e misi′ na’e te’eki ai ke lava ‘o faka’uhinga’i because it doesn’t make sense pea faingata’a ke faka’uhinga’i. Pea lolotonga ‘ema lotu hufia ‘o e poo Tusite′, na’a ku ‘ohovale he lolotonga pee ‘eku lotu′, kuo ‘omai ‘e he Laumalie Ma’oni’oni′ kiate au ‘a e ‘uhinga ‘o e fo’i konga ko ia ‘o e misi′ na’e kei faingata’a ke faka’uhinga’i′. Pea ‘i he’ene tatala mai ko ia ‘a e konga ko ia ‘o e misi′ ‘oku ‘uhinga ia ki he fakaakeake′, ‘a ia ko e kaveinga na’a ku fa’a lotu ki ai he taimi lahi. Pea ‘oku ou tui ko e tali lotu ia ‘a e ‘Eiki′. Pea ko ‘ene lea ia fekau’aki mo e fakaakeake′ but it is so personal.  

Lotu Hufia ‘o e ‘Aho Tu’apulelulu 19 Ma’asi 2020

Na’a ku lotu hufia tokotaha pee he ‘aho Tu’apulelulu 19 Ma’asi 2020. He ko ‘eku lotu ‘eni na’e fai he houa pongipongi ‘o e ‘aho Tu’apulelulu′. Na’a ku lotu ‘i he Laumalie Ma’oni’oni′ (praying in the Spirit). Na’a ku tangi lahi ‘aupito he lotu ko ‘eni′ koe’uhí ko e ngaahi me’a na’e reveal ‘e he ‘Eiki′ kiate au he’eku lotu ko ‘eni.′ Ko ‘eku a’usia fakafo’ituitui fekau’aki mo e lotu′, it is a two way communication. ‘Oku ‘i ai ‘a e taimi ‘oku ou lea (lotu) ki he ‘Otua′. Pea ‘oku ‘i ai ‘a e taimi ‘oku ou fakalongolongo ai ‘i Hono ‘Ao′, kae tukuange ki he ‘Eiki′ ke lea ia kiate au. Pea ‘oku te tangi lahi he loloto ‘o e ngaahi me’a ‘oku Ne reveal kiate kita he taimi ‘oku te wait on Him, fakalongolongo ‘i Hono ‘Ao′ ‘o fakafanongo kae tuku ke Ne lea kia kita. Sometimes His voice is a gentle, small voice.

Lotu Hufia ‘o e Poo Tu’apulelulu 19 Ma’asi 2020

Na’a ku lotu hufia mo ‘eku fine’eiki′ he poo Tu’apulelulu 19 Ma’asi 2020, taimi 11:00 PM ai pee. Ko e lotu mafana ‘eni ‘amaua ‘i he Laumalie′ (praying in the Spirit). Pea na’a ku tangi lahi, na’a ku ongo’i hangee ka mafahi hoku mafu′ he ‘ofa ki he ‘Eiki.′ Pea hangee ka mafahi hoku mafu′ he ‘ofa ki he kakai kotoa pe ‘o mamani kuo nau mole pea nau lolotonga puke he coronavirus. Na’a ku tangi ki he meesi mo e fakamolemole ‘a e ‘Otua.′ Ko e me’a na’e tuku ‘e he Laumalie Ma’oni’oni′ ‘i hoku loto′ ko hai ia ‘e ala lava ke ne tu’u ‘i he ‘Ao ‘o Sihova′ he ko e ‘Otua ma’oni’oni. Na’a ku tangi he’eku ongo’i ko e angahala au keu tu’u he ‘Ao ‘o e ‘Otua ma’oni’oni. Na’a ku tangi he’eku ongo’i ‘a e fai angahala ‘a mamani′ kuo fai ki he ‘Otua Ma’oni’oni. He is the Great I AM, He is the Eternal God, He is the Creator who was not created, ko e ‘Otua Mafimafi IA mo Aoniu he me’a kotoa pee. He is IN CONTROL of everything. Pea u ongo’i mo’oni ‘eku tu’u he ‘Ao ‘o e ‘Otua Ma’oni’oni, ko au ko e angahala au kae talunga mo ‘Ene kelesi′, mo ‘Ene meesi′, mo ‘Ene fakamolemole′. Talunga mo Hono Ta’ata’a na’a ne lilingi he ‘akau,′ ke fakama’a mo fō ai au ko e angahala. Pea u tangi ki he ‘Otua′ ke Ne ‘alo’ofa ‘o fai meesi ki he si’i kakai ‘o mamani′ he ko hono tau′ ‘a e manava’ofa.′ I experienced the overwhelming love of God. It’s hard to put into words ‘a e fa’ahinga momofi ‘o ‘Ene ‘ofa.′

‘Ofa lahi atu ki he Tonga kotoa ‘i he Ta’ata’a ikuna mo e Ta’ata’a malu’i ‘o e ‘Eiki ko Sisu Kalaisi′.

Linda Tu’ulakitau

GBG Ministry.

Be the first to comment

Leave a Reply

This site uses Akismet to reduce spam. Learn how your comment data is processed.