Tu’apulelulu 4 Sune 2020

From Glory to Glory Devotional

Feitu’u ‘o e Tau’atāina′

Folofola: 2 Kolinito 3:17 – Ka ko e ‘Eiki ko eni ko e Laumālie: pea ‘ilonga ha potu ‘oku ‘I ai ‘a e Laumālie ‘o e ‘Eiki′ ‘oku ‘I ai ‘a e tau’atāina.′

Neongo na’e ‘oange ‘e Sisu ki he’ene kau ako′ ‘a e sipinga (model) ‘o e lotu ke ne tataki (guide) kitautolu he lotu′ (prayer), ka ko hotau vā (relationship) pea mo ‘etau fetu’utaki (communication) pea mo e ‘Otua′ ‘oku totonu ke fakafo’ituitui pea vāofi ‘aupito (personal and intimate).

 ‘Oku hanga ‘e he Laumālie Mā’oni’oni′ ‘o ‘omai ‘a e tau’atāina kakato′ – tau’atāina ke ke hū, lotu, fakamālō’ia mo fakahikihiki’I ‘a e ‘Otua′ ‘I he founga ‘oku makehe (unique) kiate koe.

‘Oku tau fiema’u ha feitu’u ‘oku lava ai ketau tau’atāina kakato ke tau ma’u (receive) pea ke tau fakahaā’I (express) ‘a e a’usia (experience) ‘oku fiema’u ‘e he Laumālie Mā’oni’oni′ ke tau a’usia′. Te tau lava ‘o a’usia ia he taimi ‘oku taha (connect) ai hotau laumālie′ pea mo e Laumālie ‘o e ‘Otua′ (Laumālie Mā’oni’oni′). Ko e feitu’u ko ia′ ‘oku kamata pē ia he feitu’u koee ‘oku ke ‘I ai′, he taimi pē ko ia′. Ko e feitu’u kotoa pē ‘oku ke ‘I ai, ‘oku hoko ia ko e feitu’u ho’o “encounter” pea mo e ‘Otua′ koe’uhί he kuo ke hoko KOE ko e ‘api (home) pe ko e fale (house) ‘o e Laumālie Mā’oni’oni.′ He taimi pē ‘a ho’o tali ‘a Sisu Kalaisi ke Ne hoko ko ho ‘Eiki mo Fakamo’ui′, kuo hoko mai ‘a e Laumālie Mā’oni’oni′ ‘o fale ‘iate koe. Talamai ‘e he Folofola′ ko hotau sino′ ko e temipale ‘o e ‘afio ‘a e Laumālie Mā’oni’oni′ ‘iate kitautolu′. (1 Kolinito 6:19-20). ‘Oku ke fononga holo mo e Laumālie Mā’oni’oni′, pea ko e feitu’u kotoa pē ‘oku ke ‘I ai′, ‘oku totonu ke ‘I ai ‘a e tau’atāina.′ Ko e feitu’u kotoa pē ‘oku ke ‘I ai′, ko e feitu’u ia ‘o e fakatau’atāina ‘a e ‘Otua′.

Be the first to comment

Leave a Reply

This site uses Akismet to reduce spam. Learn how your comment data is processed.