Tokonaki 6 Sune 2020

From Glory to Glory Devotional

Fetaulaki mo e ‘Otua

Folofola: Ngāue 26:16 – Ka ke tu’u, tu’u ki ‘olunga: he ko eni ‘a e me’a kuo u hā ai kiate koe′, ke fakanofo koe ko e faifekau mo e fakamo’oni ‘o e ngaahi me’a kuo ke mamata ki ai′,  pea mo e ngaahi me’a te u hā ai kiate koe ‘amui.′

Na’e fuoloa pē ‘a e ngāue ‘a e ‘Otua′ ‘I ho’o mo’ui′ te’eki ke ke kamata ngāue fakataha mo IA′. Te’eki ke tanupou ‘a mamani′, na’e ‘osi toka afio’i pē koe ‘e he ‘Otua′ mei he kamata’anga′. ‘Ikai ngata ai′, na’e ‘osi afio’I pē ‘e he ‘Otua′ ‘a e taumu’a ‘a e tangata mo e fefine kotoa pē. (Selemaia 1:5; Saame 139:13).

Kimu’a ke fetaulaki ‘a e ‘Otua′ mo Paula ‘I he hala ki Tamasikusi′ (Damascus), na’e ‘osi afio’I pē ‘e he ‘Otua′ ia ‘a Paula, pea mo e ‘asainimeni (assignment) te ne fai.′ Ka na’e toki fakahaā’I pē ‘e he ‘Otua′ kia Paula ‘a ‘Ene taumu’a totonu ki he’ene mo’ui′ pe ko e assignment te ne fai′, he taimi koee na’e liliu ai ‘a Paula ‘o ne ma’u ‘a e ‘Eiki′ ki he’ene mo’ui′. (conversion). Na’e fehālaaki ‘a e ma’u ‘a Paula.′ Na’a ne pehē ko ‘ene ngāue na’e fai ki mu’a′, hangē ko ‘ene faka’auha ‘a e kau kalisitiane′, ko e fo’I ngāue lelei ia na’a ne fai ma’ae ‘Eiki.′ Ka ko hono mo’oni′, na’e fai tau (war against) ‘a Paula ia mo e kau kalisitiane.′ Neongo na’e ‘osi ‘afio’I pē ‘e he ‘Otua′ ‘a e ngāue ‘oku ne fakataumu’a ki he mo’ui ‘a Paula′, ka na’a ne tatali pē ki hono taimi totonu′. Pea ko e taimi totonu ‘a e ‘Eiki′ kia Paula′ – ‘a e taimi kuo ne ma’u ai ‘a e tokanga ‘a Paula′ pea kuo hoko ‘a Kalaisi ko hono ‘Eiki.

‘Oku ‘ikai ke ha’u ‘a e ‘Otua′ kiate kitautolu′ koe’uhi’ ke ne ‘ilo koe hā ha ngaahi me’a pe ko ha ngaahi ngāue ‘oku tau lava ‘o fai Ma’ana. Ka ‘oku ne hoko mai kiate kitautolu′ koe’uhí ke ne fakahaā’I (reveal) mai kiate kitautolu ‘Ene ngāue′ (activity) pea ‘ikai ngata ai′, ka ne fakaafe’I kitautolu ketau kau fakataha mo IA he fai ‘o ‘Ene ngāue.′ Ko e taimi ‘oku tau fetaulaki (encounter) ai pea mo e ‘Otua′, pea ‘oku ‘I ai leva ‘a e fiema’u ke liliu mo fakatonutonu ‘etau mo’ui′ ke tuha mo e ngāue ‘a e ‘Otua′ kuo Ne ‘osi fakahaā’I mai kiate kitautolu ketau fai.′ Kuopau ke ‘I ai ‘a e kalusefai ke fai. Kuopau ke ‘I ai ‘a e tukuange (release, let go) ke fai.

‘Oku ‘ikai ke ‘uhinga ‘a e fetu’utaki (communication) mai ‘a e ‘Otua′ kiate kitautolu′ koe’uhí ke lahi ‘a e ngaahi Folofola ‘oku tau ‘ilo.′ Ka ko e ‘uhinga ‘o ‘Ene fetu’utaki mo kitautolu′ koe’uhí ke Ne reveal mai ‘Ene ngāue′ pea ne fakaafe’I kitautolu ketau kau fakataha mo IA he fai ‘o ‘Ene ngāue′ he mamani ko ‘eni.′

‘Oku ke mateuteu nai ke ke fetaulaki (encounter) mo e ‘Otua′ he ‘aho ni? ‘Oua mu’a na’a ke feinga ke ke fanongo ki he le’o ‘o e ‘Otua′ he ‘aho ni, kae ‘oleva pē kuo ke lea: “Koe hā ‘eku me’a ‘e fai′, ‘Eiki, keu tokoni ai ‘I ho’o ngāue′?”

Be the first to comment

Leave a Reply

This site uses Akismet to reduce spam. Learn how your comment data is processed.