Monite 8 Sune 2020

From Glory to Glory Devotional

Ko e ‘Otua′ ‘a e Matavai′

Folofola: Filipai 4:19 – Pea ko hoku ‘Otua′ te ne fakaai ho’omou masiva kotoa pē, ‘o fakatatau ki he koloa ‘oku ne ma’u ‘I langi ‘ia Kalaisi Sisu.′

Talamai ‘e he Folofola ‘o e ‘aho ni′, ‘e fakaai ‘e he ‘Otua′ hotau masiva kotoa pē. Ko e ‘Otua′ na’a ne fakatupu ‘a e ‘univeēsi ko ‘eni′, na’a ne seti (set) ‘a natula ke lele, pea ne tauhi ‘a e lao ‘o natula′ ke ne pule’I ‘a e mo’ui.′ ‘Oku ne kātoi ‘a e koloa ‘o hevani mo mamani′ ‘I hono ‘Aofinima.′ Pea ‘oku malava ‘e he ‘Otua′ ke ne fakaai ho’o ngaahi fiema’u kotoa pē pehē pē foki kiate au.

Ko e tokolahi ‘o kitautolu ‘oku ‘ikai ketau sio ki he ‘Otua′ ko IA hotau Matavai′ (Source) pea mo e Fauniteni ‘oku tafe mei ai ‘a e ngaahi lelei mo e fakamonū’ia kotoa pē ki he’etau mo’ui.′ Taimi lahi ‘oku ‘ikai te tau fa’a sio ki he ‘Otua′ ko IA ‘a e tali ki he’etau ngaahi fiema’u.′ ‘Oku tau fakafalala ki he kakai kehe′ mo e ngaahi kautaha′, pule’anga′ mo ‘etau ngaahi pule ngāue.′ Pe ‘oku tau fakafalala ki he kau toketā′ mo e ngaahi pangikē mo hotau ngaahi fāmili′ kenau ‘omai ‘a e fiefia′, mo’ui lelei′ mo e tu’umālie′ ki he’etau mo’ui.′ ‘I he’etau fakafalala tangata′, ‘oku tau iku mamahi ai pe tō noa ‘etau ‘amanaki′ he ‘oku nau “fail” kitautolu. ‘Ikai ketau manatu’I, ko e taha kotoa pē mo e me’a kotoa pē ko e me’a ngāue (instruments) pē ia ‘oku ngāue’aki ‘e he ‘Otua′, ka ko e Matavai (Source) ‘o e me’a kotoa pē ko e ‘Otua′ Tokotaha pē ia. Pea ko e taimi kotoa pē ‘oku to’o ai hotau mata′ mei he Matavai′ (Source) ka tau fakafalala ki he tangata′ (human) te tau loto mamahi.

Ko e taimi ‘oku ‘afio tu’uma’u ai ‘a e Laumālie Mā’oni’oni ‘o e ‘Otua′ ‘iate kitautolu′, ‘oku ne hoko IA ko e Source ‘o e me’a kotoa pē ‘I he’etau mo’ui.′ Ko IA ‘a e Matavai ‘o e me’a kotoa pē ‘oku ke fiema’u pea u fiema’u. Ko e tokotaha kotoa pē mo e me’a kotoa pē ko e me’a ngāue (instruments) pē kinautolu ia, ka ko e ‘Otua′ Tokotaha pē IA ‘a e Source.

‘Oku ‘I ai ‘a e fu’u tau’atāina ‘oku ou ma’u he taimi ne mahino ai kiate au, ko e tangata′ (human beings) ‘oku ‘ikai ko hoku Source ia. Faka’utaange ki he fu’u me’a ‘oku malava ‘e he ‘Otua′ (our Source) ke ne fai ma’au pea mo au tu’unga pē ‘I he’ene kelesi′.

Be the first to comment

Leave a Reply

This site uses Akismet to reduce spam. Learn how your comment data is processed.