Tusite 9 Sune 2020

From Glory to Glory Devotional

Ko e Fili ‘a ha Fefine pē ‘e Taha

Folofola: Sione 4:28-30 – Pea tuku ai ‘e he fefine′ ‘ene ‘angavai′, ‘o ne ‘alu mei ai ki he kolo′, ‘o ne pehē ki he kakai′, Omi ange′, ‘o mamata ki he tangata kuo ne talamai ‘a e me’a kotoa kuo u fai′: ‘oku ‘ikai nai ko e Misaia′ ‘eni ‘e? Pea nau ‘alu atu mei he kolo′, ‘o nau kamata laka mai kiate ia.

Ko e fili (choice) ‘a ha fefine pē ‘e taha kuo hoko ‘o fakamo’ui ai ha tokolahi hono kolo′ (village) he’enau tui ki he ‘Eiki ko Sisu Kalaisi′. Fefine pē ‘e taha! Ko ‘ene fili na’e fai′, kuo lava ai kene ‘omai ha liliu (difference) ki he mo’ui ‘a hono kolo.′

Na’e ‘ilo’I pē ‘e Sisu ‘a e fu’u liliu lahi (major difference) ‘e malava ‘e ha fefine pē ‘e tokotaha ‘o fakahoko. ‘Oku tau tui mahalo na’e kau pē ia he ‘uhinga ‘e taha na’e fakafetaulaki ai ‘a Sisu ki he fefine Samēlia′ ‘I he vai′ (well) ‘a ia ‘oku hā he talanoa ‘o Sione 4.′

Na’e mo’ua pē ‘a e fefine ko ‘eni′ he fai hono ngaahi ngafa faka’aho′ mo e a’u atu ‘a Sisu kiate ia.′ Na’e ‘ikai ke ‘ilo’I ‘e he fefine′ he ‘uluaki taimi′ ko hono Misaia′ ‘oku talanoa mo ia′, ka na’e ‘osi ‘ilo’I pē ‘e Sisu ia ‘a e fefine′ mo e hisitōlia ‘ene mo’ui.′ Na’e ‘osi ‘ilo’I pē ‘e Sisu te ne fakamo’ui ‘a e fefine′, pea te ne tuku ‘a e me’a kotoa pē ka ne lele ‘o talaki ki he kakai hono kolo′ fekau’aki mo e Tangata kuo ne fetaulaki mo ia he vai′ (Sione 4:28-30). Ko ‘ene fo’I talaloto ‘e taha′, ko ‘ene fo’I fili ‘e taha ke ne ‘alu ‘o talaki ‘a Sisu′, kuo ne hanga ‘e ia ‘o ‘omai ha tokolahi kenau ha’u ‘onau kaungā tui foki ki he ‘Eiki ko Sisu Kalaisi′ (Sione 4:41-42).

‘Oku ke ‘ilo nai ko ho’o fo’I fili ‘e taha ke ke muimui kia Sisu′ ‘oku hoko ia ke ne uesia ta’engata (lasting impact) ‘a e kakai kehe′ kenau tui mo muimui kia Sisu, ‘o kau ai mo e ngaahi to’utangata he kaha’u′ (future generations)? Ko e talanoa ‘o e fefine he vai′, ‘oku ne uesia ‘e ia ‘a e destiny ‘o hono kolo′ ‘o a’u pē ki he to’utangata ka hoko.′ Pea ko e me’a ia ‘e hoko tatau pē kiate koe. ‘Oua na’a ke ta’emafakafuofuo’I totonu ‘a e mālohi (power) ‘o ho talanoa′ (your story).

Vahevahe ki he kakai kehe′ ‘a e ngaahi me’a fakaofo fau kuo fai ‘e he ‘Eiki′ ma’au′ (Saame 107:2). Fakatokanga’I ‘a e kakai ‘I ho ‘ātakai′. ‘Oku tokolahi ‘aupito ‘a e kakai ‘I he feitu’u ‘oku ke nofo ai′, pe ‘oku ke ngāue, pe ako ai′, ‘oku te’eki ai kenau ‘ilo’I ‘a Sisu. ‘Oku ‘ikai ke ‘I ai ha ‘amanaki he’enau mo’ui.′ ‘Oku nau fiema’u kenau ‘ilo ‘a Sisu. Talaki ‘a Sisu kiate kinautolu. Witness kiate kinautolu. (2 Timote 4:2; 1 Pita 3:15)

Kainga, tau lele mu’a ‘I he pue′ mo e kātaki mamahi. Ko ‘etau talanoa′ (our story), ko ‘etau fili ketau ‘alu ‘o talaki ‘a Sisu ki he kakai kehe′, ‘oku ne ‘omai ‘e ia ha ola ‘oku tolonga ta’engata, ‘a ia te ne uesia mālohi ‘a e to’utangata ‘o e kaha’u.′ ‘Oku ‘I ai ‘a e power ‘I he tokotaha kotoa pē ‘oku ne loto ke ne fai ha liliu (make a difference) ‘I he mo’ui ‘a e kakai kehe.′

Be the first to comment

Leave a Reply

This site uses Akismet to reduce spam. Learn how your comment data is processed.