Testimony: Mavahe hoku laumālie′ ke ‘alu ki Hēvani!

Fa’u ‘e Linda Tu’ulakitau

Ko e testimony ‘eni ki he me’a na’e hoko mo’oni kiate au. Fakatauange pe ‘e hoko ‘eku vahevahe ko ‘eni′ ke fakalotolahi kiate koe ko hotau ‘Otua′ ko e ‘Otua tali lotu. ‘I he pō Tu’apulelulu 13 ‘Aokosi 2020′, hili ‘emau lotu hūfia fakakātoa homau ki’I famili′ na’e tataki hoku husepāniti′ pea tā ‘e homa ‘ofefine lahi′ ‘a e keyboard kamau lotu, hili pē ‘emau lotu′ na’e mātuku hoku ki’I famili′ ‘o mohe, kau kei ‘ā tokotaha pē he pō ko ia′ ‘o fa’u e ‘u Devotional mo fai ‘eku lotu hūfia tokotaha pē ‘I homau ‘api′. ‘Alu hifo ke hoko ‘a e 4:00 AM pea u ‘alu leva ‘o mohe ‘a ia ko e hengihengi Falaite ia ko hono 14 ‘Aokosi 2020.′
Lolotonga ‘eku mohe′, ‘oku ou sio ki he tokotaha ‘oku teunga hina tōtōlofa ‘oku ha’u pē ‘o pehē mai kiate au: “Na’e fili ‘e Mele ‘a e ngafa lelei taha′ ko ‘ene tangutu he ve’eva’e ‘o Sisu′ ‘a ia he’ikai to e to’o ia meiate ia ‘o ta’engata”. Ko ‘ene fo’I lea′ pē ia. Ka ko e me’a koē na’e ha’u ki hoku ‘atamai′, ko e taha ia ‘o ‘eku ngaahi Devotional na’e tuku atu kitu’a he taha ‘o e ngaahi pongipongi.′ Ka ko ‘eni kuo lea mai ‘aki ia kiate au ‘e he tokotaha ko ‘eni.′
Pea u fakatokanga’I ‘oku ‘ikai keu kei tokoto ‘I hoku mohenga′, ka ‘oku ou puna au he langi.′ ‘Ikai keu tui au ko ha’aku misi koe’uhi′ he ‘oku ou literally feel myself flying! Pea ko e speed koee ‘oku ou puna ai′ ‘oku to e vaveange ia he puna koee ‘a e vakapuna′! Pea ‘oku ‘ikai keu to e lava ‘e au ‘o control ‘a e direction ‘o ‘eku puna′ keu to e lava ‘o foki hifo pe teu to e afe ki tafa’aki he ‘oku ou puna fakahangatonu pē au ki ‘olunga. Na’e ‘ikai keu ongo’I mokosia neongo ko e pō momoko. Ka na’a ku feel very light ‘aupito pea u ongo’I ‘a e fiefia ‘I hoku loto′ pea u ongo’I ‘a e tau’atāina kakato he’eku mo’ui′. Kou fakatokanga’I ‘oku tu’u takai ‘a e ngaahi fetu’u′ ka ‘oku ou puna fakalaka pē ‘ianautolu. Ka ‘oku ou ‘ilo’I ‘oku kei function lelei pē hoku ‘atamai.′ He ko e me’a koee ‘oku talamai hoku ‘atamai′ ko ‘eku puna′ ki Hēvani. Ko ‘eku ‘alu ki he ‘Eiki′. Ko hono ‘ave au ki Hēvani! Pea ko e taimi pē koee na’e mahino ai kiate au ko hono ‘ave au ki Hēvani′, na’e ha’u leva ia ki he’eku fakakaukau′: “’Eiki, ‘oku te’eki ai lava lelei ‘eku ngāue ‘aku ‘I māmani′. ‘Oku fu’u fiema’u au ia hoku husband keu tokoni ki ai he Ministry. Pea to e ha’u ki he’eku fakakaukau′ ‘a e mata ‘eku fānau′ tautefito ki hoku foha lahi′ he ko ia ‘oku pipiki lahi taha ‘iate au.′ Pea ko e taimi pē na’e ha’u ai ki he’eku fakakaukau′, ‘oku fu’u fiema’u au he’eku fānau′ pea ‘oku fu’u fiema’u au ‘e hoku husband, na’a ku ‘ohovale pē kuo ‘ikai keu to e puna ki Hēvani, ka kuo to e foki hifo hoku laumālie′ ‘o foki ki hoku sino′!
‘I he foki hoku laumālie′ ki hoku sino′ pea u ‘ā hake′. Na’e fakamanatu kiate au ‘e he ‘Eiki′, ‘a ‘eku fa’a lotu he taimi lahi pea u ongo’I ‘eku fu’u ‘ofa lahi ki he ‘Eiki′ pea u faka’amu ange mai na’a ku ‘alu ki Hēvani keu tangutu ‘I hono ve’eva’e′ ‘o siofia Hono fofonga.′ Na’a ku tui leva ko ‘ene tali lotu ia ma’aku ke ne ‘ave hoku laumālie′ just for a short visit home ka na’e ‘ikai ko ha’ane intention ke ne ‘ave ‘osi ‘e ia au (mate ‘a e sino′) te’eki ai kakato ‘eku purpose ‘I māmani.′ Pea te’eki kakato hoku fatongia ki hoku hoa′ mo ‘ema ki’I fānau′.

Source: https://godbeglorified.com.au

Image Credit: Image by Gerd Altmann from Pixabay

Be the first to comment

Leave a Reply

This site uses Akismet to reduce spam. Learn how your comment data is processed.